Ус таълим вазирлиги ўзбекистон республикаси соғЛИҚни сақлаш вазирлиги

Мижозларни туғруқ комплекси (бўлимлари)га юбориш ва жойлаштириш (госпитализация) тартиби
I даражада (туман даража)ги туғруқ комплекслари (бўлимлари)га ҳомиладорлиги физиологик кечаётган аёллар ва туғувчи аёллар, ҚВП, аёллар маслаҳат хоналари акушерлари ҳамда шифокорлари томонидан йўналтирилади.
II даражада (шаҳар ва вилоят даражасида)ги туғруқ комплекслари (бўлимлари)га экстрагенитал касалликлари бор, перинатал хавф, ҳозирги ёки олдинги ҳомиладорликда асоратлари бўлган ҳомиладорлар ва туғувчи аёллар маслахат поликлиникаси, аёллар маслаҳат хонаси шифокорлари, тор йўналишдаги мутахассислар (кардиолог, нефролог, эндокринолог, неврапатолог ва бошқалар) ҳамда I даражадаги стационар шифокорлари томонидан йўналтирилади.
III даражадаги (республика) ихтисослаштирилган туғруқ комплекслари (бўлимлари)га декомпенсация давридаги оғир экстрагенитал патология, перинатал патология, оғирлашган акушерлик анамнези бўлган, ҳомиладорлик асоратли кечаётган аёллар II даражадаги стационар, маслаҳат поликлиникасидаги шифокорлар ҳамда вилоят соғлиқни сақлаш бошқармаси мутахассислари томонидан йўналтирилади. Туғруқдан олдин стационар давога муҳтож бўлган ҳомиладорлар ҳам ётқазилади.
Ҳомиладорларни акушерлик стационарининг турли бўлимларига госпитализация қилиш масалалари қабул бўлими шифокори томонидан ҳал қилинади, тунги пайтда эса - маъсул навбатчи шифокор томонидан.
Аёллар маслаҳат хонасининг иши ЎзР ССВнинг 19 март 2001 йилдаги №100 буйруғига биноан мувофиқлаштирилади.
Туғруқ комплекси (бўлими) тузилиши
Туғруқ комплекси (бўлими)да қуйидаги таркибий бўлимлар мавжуд: стационар, даволаш - диагностик бўлимлар ва маъмурий - хўжалик қисм. Туғруқ комплекси (бўлими)нинг тузилиши қурилиш меъёрлари ва даволаш - профилактик муассасалар қоидалари, санитар - эпидемияга қарши режим - амалдаги меъёрий ҳужжатлар талабларига тўлиқ жавоб бериши керак.
Туғруқ комплекси (бўлими)да қуйидагилар бўлиши керак:

1. 
   Кислород ўтказилиши;
   
2. 
   Иссиқ ва совуқ сув ўтказилиши;
   
3. 
   Канализация;
   
4. 
   Стационар (ташилувчан) бактерицид нурлатгичлар ёки кириш - чиқиш вентиляцияси.