Аёллар консультацияси.
Санитария-маориф ишларини «Репродуктив саломатлик», «Соғлом турмуш тарзини таргиб этиш ва соғлом оила» ҳамда Саломатлик Институти ва унинг худудий филиаллари билан узвий богланган холда олиб борилади. Аёллар маслаҳатхонасининг муҳим вазифаларидан бири оналик ва болаликни хукукий химоя қилиш.
Ушбу вазифани юрист – консульт, уз фаолиятини соғлиқни сақлаш муассасалари ташкилотлари, юрист – консульт хакидаги низомга мувофик олиб боради. Юрист-консульт врачлар билан ҳамкорликда хукукий химояга мухтож аёларни аниқлайди ва уларга тегишли ёрдам курсатади, хукукий масалалар бўйича маслаҳатлар беради. У «Соғлиқни сақлаш муассасалари катта юрист – консульти ишини кайд этиш китоби»га (ш 087/7х) юритади. Аёллар, врачлар, тиббий ходимлар орасида конунчилик масалалари бўйича сухбатлар, семинарлар ташкил этади.
Аёлларни туғруқкача кузатишнинг асосий максади:
аёлни хомиладорликка, оналикка, болани туғишга, кукрак сути билан бокишга рухан тайёрлаш ва куллаб-кувватлаш;
хомиладорлик даврида кузатиш, бўлғуси она ва хомиланинг соглигини таъминлаш;
меъёрдан чекинишларни уз Вактида аниқлаш, даволаш еки стационарга ёткизиш;
хомиладорлик ва бўлғуси боланинг тарбиялаш масалаларига аёлни ва оила аъзоларини фаол иштирокини таъминлаш;
Одатда эр-хотин режалаштирилаётган хомиладорликдан 6 ой олдин тиббий кўрикдан утиши шарт, агарда текшириш пайтида хавфли омиллар (спиртли ичимликларга ружу куйиш, ота-оналарга хар хил касалликлар, шу жумладан жинсий йул оркали юкадиган инфекцион касалликлар ва бошқалар) аниқланганда уларни биргаликда тахлил этиб, хомиладорликгача ва хомиладорлик даврида соғлом турмуш тарзини ташкил этиш бўйича тегишли маслаҳатлар (лозим бўлганда даволаш ишларини олиб борилади) берилади.
Аммо кўпинча аёллар врачга хомиладорлик бошлангандан кейин мурожаат этади. Аёллар консультациясига хомиладор аёл биринчи бор мурожаат килганда ва хомилани сақлаш истагини билдирганда, аёлнинг тўлиқ анализи билан танишади; бунда оила шароити, бошидан кечирган касалликлари (умумий ва гинекологик), операциялар, кон куйиш, секретор, жинсий, генератив ва менструал циклининг хусусиятларига алохида эътибор берилади. Олдинги хомиладорликни кечиши ва натижаси (токсикоз, чала туғиш, улик туғиш, болалардаги тугма нуксонлар, абортлар сони, аборт ва туғруқлардан кейинги асоратлар) аниқланади. Албатта, онанинг ёши, туғруқлар орасидаги давр, нафакат онанинг, балки отанинг саломатлиги, улар ишлаётган муассасанинг ишлаб чиқариш характери, уларнинг зарарли одатларини эътиборга олган холда лозим булмаган хомиладорликнинг олдини олиш усуллари ва вакти белгиланади.
Аёлларни биринчи кузатиш натижасида унга тегишли бўлган катор муаммоларни аниқлаш учун умумий анамнез йиғилади (конституция, фенотип, умумий ва жинсий инфантилизм белгилари, сурункали анемия ва хоказо). Ушбу даврда аёлнинг тўлиқ клиник ва лаборатория текширувидан ўтказилади: кон тахлили (RW, HBsAg, гепатит С, ВИЧ/СПИД, токсоплазмоз, бруцеллёз), гемоглобин микдори аниқланади; сийдик тахлили (оксил, кислоталилик, зичлиги, протеинурия ва хоказо) этилади. Бактериологик текширув ўтказилади (гонококк, трихомонада, замбуруглар).
Хомиладан ногирон бола туғилиши эхтимолининг олдини олиш максадида хомиладорликниг 12, 18, 23 ва 36-38 хафталари албатта узи текшируви ўтказилади.
Биринчи текширишда аёлда хар хил (хламидиоз, таксоплазмоз, уреоплазмоз, микоплазмоз, горденеллез, цитомегаловирус, оддий учук вируси) инфекциялар борлиги аниқланади.
Биринчи текширишдан 1 хафтадан сўнг хомиладор аёлни консультацияга келиши тавсия этилади. Бунда акушер-гинеколог терапевт билан биргаликда хомилани туғишга каршиликлар бор – йуклигини соғлиқни сақлаш вазирлигининг 154-сонли буйругига асосан аниқлайди. Агар хомиладорликка тиббий каршилик бўлганда, хомила соғлиқни сақлаш вазирлигининг 29.10.1996 йилдаги 721-сонли буйругига катъий амал килган холда махсус туғруқ комплекслар, олий укув юртлари, илмий текшириш институтлари клиникаларида олиб ташланади. Хомиладорлик пайтида кучли хавфли омиллар бўлганда аёл ва унинг кариндош уруглари билан хомилани олиб ташлаш тўғрисида бир неча бор олиб борилган сухбатларга карамасдан аёл каршилик килса, ушбу холат консультация бўлими мудири ва хукукшуноснинг имзоси билан ёзма равишда туман ва шахар соғлиқни сақлаш бўлимлари хабардор килинади.
Do'stlaringiz bilan baham: |