Ус таълим вазирлиги ўзбекистон республикаси соғЛИҚни сақлаш вазирлиги

Сифатни назорат қилишдаги асосий услубий ёндашувлар
Республикамиз ва хорижий мамлакатлар тажрибаси шуни кўрса-тадики, соғлиқни сақлашда сифатни назорат қилишга 3 хил ёндашиш мумкин:

• 
  структурали;
  
• 
  процессуал;
  
• 
  охирги натижа бўйича.
  

Структурали ёндашув тибиёт муассасаларига лицензия бериш ва аккредитациялашда, мутахассисларга сертификат бериш ва аттестациядан ўтказишда қўлланиши мумкин. Ушбу ёндашувнинг моҳияти шундаки, сифатли муассаса, сифатли дори-дармонлар, материаллар, асбоб-ускуналар, сифатли мутахассислар - сифатли тиббий хизматни таъминлайдилар.
Тиббиёт муассасаларига лицензия бериш ва аккредитациялаш «Ўзбекистон Республикасида фуқаролар саломатлигини муҳофаза этиш тўғрисида»ги Қонун ва «Ўзбекистон Республикасидаги фуқароларни суғурталаш тўғрисида»ги Қонун ҳамда лицензия бериш ва аккредитациялаш технологиясини белгиловчи меъёрий ҳужжатлар пакетига асосан регламентланади.
Сифатни назорат қилишнинг процессуал тури, таркибий ёндашиш турини тўлдиради. Процессуал ёндашиш экспертлар гуруҳи ёрдамида, танлаб текшириш усулларини қўллашни талаб этади.
Охирги натижаларга кўра сифат ва самарадорликни назорат қилиш «натижа қандай бўлиши керак» деган саволга жавобни аниқлаш орқали амалга оширилади. Иш жараёнининг охирги натижаларини режалаштириш учун унга таъсир этувчи омилларни аниқ баҳолаш талаб этилади. Соғлиқни сақлашнинг охирги натижавий кўрсаткичларига кўпгина бошқариб бўлмайдиган омиллар таъсир этади.
Соғлиқни сақлаш муассасаларида сифатни назорат қилишда таркибий ёндашувни амалга ошириш учун кадрларни бошқариш алоҳида аҳамиятга эгадир (танлаш, тайёрлаш, меҳнатни ташкил этиш ва рағбатлантириш) ЖССТ (ВОЗ) экспертлар Қўмитасининг «Соғлиқни сақлашнинг инсон ресурсларини бошқариш» маърузасида (1991 й) ходимни бошқаришнинг еттита принципи келтирилган:

• 
  бошқарувчанлик хусусиятини рағбатлантириш ва тарбиялаш;
  
• 
  соғлиқни сақлаш ходими томонидан ташкилотнинг мақсадларини қўллаб қувватлаш;
  
• 
  ташкилот бош мақсадлар томон интилиш;
  
• 
  новаторликни рағбатлантириш;
  
• 
  назоратни сақлаб қолган ҳолда автономияга йўл бериш;
  
• 
  мутлоқ тўғри сўзлик (софдиллик);
  
• 
  аҳоли иштирокидаги тиббий - санитария ёрдамининг ижтимоий йўналтирилганлиги.