Ус таълим вазирлиги ўзбекистон республикаси соғЛИҚни сақлаш вазирлиги

Соғлиқни сақлашни ташкил этишнинг асосий принциплари
Ўзбекистонда фуқаролар соғлиғини сақлаш, соғлиқни сақлаш тизимини ривожлантириш Республикамизнинг ўзига хос социал-иқтисодий, ижтимоий - географик, демографик, касалланиш, санитария-эпидемиологик жиҳатларини эътиборга олган ҳолда, олиб борилмокда. Ўзбекситонда фуқаролар соғлиғини сақлашнинг асосий принципларига қуйидагилар киради.
1 .Соғлиқни сақлаш соҳасида инсон хуқуқларига риоя қилиш.
2. Аҳолининг барча катламлари тиббий ёрдамдан бахраманд бўла олиш.
З.Профилактик чора тадбирларнинг устиворлиги.
4. Фуқаролар соғлиғини ижтимоий ҳимоя қилиш.
З. Тиббиёт фанининг амалиёт билан бирлиги.
Ўзбекистонда соғлиқни сақлаш тизимини ислоҳ қилиш ва ривожлантиришнинг назарий асосларига Ўзбекистон Республикасининг Конституцияси (8 декабр 1992 йил), "Давлат санитария назорати тўғрисидаги қонун" (3 июль 1992йил), "Фуқаролар соғлиқни сақлаш тўғрисидаги конун" (29август 1996йил), "Ўзбекистон Республикасида соғлиқни сақлаш тизимини ислоҳ қилишнинг давлат дастури" (10 ноябр!998й), “Соғлиқни сақлаш тизимини янада ислоҳ қилиш чора тадбирлари”(27 феврал 2003), Соғлиқни сақлаш тизимини ислоҳ қилишни янада чуқурлаштириш ва уни ривожлантириш, давлат дастурини амалга оширишнинг асосий йўналишлари тўғрисидаги (19 сентябр 2007) Президент фармонлари, ҳамда Вазирлар Маҳкамасининг "Соғлиқни сақлаш" соҳасидаги қарорлари, ҳужжатлари ҳамда Республикамиз соғлиқни сақлаш вазирлиги томонидан чиқарилган буйруқлар ҳамда йўриқномалар киради. Ўзбекистон Республикасининг Конституциясида аҳоли саломатлигини сақлаш, соғлиқни сақлашни ривожлантириш, инсон ҳуқуқларини химоя қилиш, табиатни муҳофаза қилиш бўйича алоҳида моддалар ўрин олган. Жумладан,"Инсон ва фуқароларнинг асосий ҳуқуқлари ва бурчлари" номли иккинчи бўлимнинг 18-моддасида Ўзбекистон Республикасида барча фуқаролар бир хил ҳуқуқ ва эркинликларга эга бўлиб, жинси, ирқи, миллати, тили, дини, ижтимоий келиб чиқиши, эътикоди, шахси ва ижтимоий мавқеидан қаътий назар қонун олдида тенгдирлар, деб белгилаб қўйилган.Соғлиқни сақлаш соҳасида инсон ҳуқуқларига риоя килиниши принципи:
Ушбу принцип Ўзбекистон Республикасининг "Фуқаролар соғлиғини сақлаш тўғрисидаги" қонуннинг 13-моддасида ўз тасдиғини топган. Жумладан, ушбу моддада - Ўзбекистон Республикаси фуқаролари соғлиқни сақлаш борасида тегишли ҳуқуқларга эгадирлар. Давлат ёши, жинси, ирқи, миллати, тили, динга муносабати, ижтимоий келиб чиқиш, эътикоди, шахсий ва ижтимоий мавқеидан қаътий назар -фуқароларнинг соғлиғини сақланишни таъминлайди. Давлат фуқароларда касалликларнинг ҳар қандай шакллари борлигидан каътий назар, уларнинг камситишлардан ҳимоя қилинишини кафолатлайди. Ушбу қоидани бузган, айбдор шахслар қонунда белгиланган тартибда жавобгар бўладилар деб белгилаб қўйилганлигининг ўзи Ўзбекистонда соғлиқни сақлаш соҳасида инсон ҳуқуқларига риоя қилиниши қонун орқали ҳимоя қилинишини кафолатлайди.