“Қурилиш ишлаб чиқариш технологияси” фани 1-маъруза. Қурилиш ишлаб чиқариш

Ресурс тежамкорлик - қурилиш объектини барпо этишнинг барча босқичларида моддий, энергетик, мехнат, молиявий ресурсларни мақбуллаштиришга ва сарфланишини тежашга йўналтирилган принципни ифода этади.

• Ресурс тежамкорлик - қурилиш объектини барпо этишнинг барча босқичларида моддий, энергетик, мехнат, молиявий ресурсларни мақбуллаштиришга ва сарфланишини тежашга йўналтирилган принципни ифода этади.
• Сифат - қурилиш жараёнлари барча параметрларининг лойиҳавий қийматларга мос келиши, шунингдек объектни қуриш ва фойдаланишнинг барча босқичларида узлуксиз назорат қилиш тизими асосида амалдаги норма (меъёр)лар, стандартлар, тартибларга мувофиқ келишини англатади.
• Самарадорлик - объект қурилишининг лойиҳаланган параметрларини қурилиш махсулотини яратишдаги ресурсларнинг қиймати, муддатлари, сифати, сарфини белгилаб берувчи пировард ёки оралиқ кўрсаткичларга мослигини миқдорий баҳолашдан иборат.

2. Қурилиш технологияларининг тузилиши, таркиби ва хусусиятлари

• Технология сўзи грекча сўз бўлиб, санъат (искусство), усталик (мастерство), қобилият ёки маҳорат (умение) каби маъноларни англатади.
• Қурилиш технологияси - атамаси деганда ижрочилар (мехнат ресурслари) воситасида бошланғич табиий ва сунъий материал (материал элементлар) ларга ишлов бериш, уларнинг тавсифларини, ҳолатини ва фазодаги вазиятини (конструкция) ўзгартириб лойиҳавий қурилиш махсулотини яратиш мақсадига йўналтирилган ҳаракатлар (қурилиш жараёни), усуллар ва воситалар (техник воситалар)нинг йиғиндисини тушуниш лозим.

Қурилиш махсулоти – бу:

• а) қурилиши тугалланган ва фойдаланишга белгиланган муддатда топширилган бино ва иншоотлар;
• б) лойиҳавий архитектура-режавий, конструктив, ташкилий-технологик ечимлар билан аниқланувчи бино ва иншоотларнинг айрим қисмлари
• в) маълум вақт оралиғида бажарилган ишларнинг ҳажмлари (м, м2, м3, дона ва тонна).