Урганч тумани “Тадқиқотчилар” маҳалла фуқаролар йиғинида ўтказилган йиғилиш

К У Н Т А Р Т И Б И :


2019 йил 23 март куни Урганч-Хива йўлида содир бўлган жиноятини содир этилиш сабаблари ва шароитларини муҳокама қилиш тўғрисида.




Йиғилишни МФй раиси Ш.Султонов кириш сўзи билан очиб, йиғилиш қанташчиларини кун тартибидаги масала билан таништириб, сўзни туман прокурори 1-даражали юрист Д.Мадиримовга берди.
Туман прокурори 1-даражали юрист Д.Мадиримов сўзга чиқиб, бугунги кунда туман ҳудудида жиноятчиликка қарши курашиш ва уни олдини олиш борасида амалга оширилаётган ишлар, муҳтарам юртбошимиз томонидан берилаётган эътибор, яратилаётган шароитлар ҳақида сўз юритди.
Шунингдек, бугунги кун талаби сифатида ҳар бир жиноятни содир этилиши фавқулодда ҳолат деб қаралиши, ҳар бир жиноятга нафақат ички ишлар балки кенг жамоатчилик вакиллари ҳам ёрдам кўрсатиш кераклигини билдирди.
Қолаверса, жиноятчиликка қарши курашиш ҳақиқати ва адолати тамойили асосида иш ташкил қилиш, тунги навбатчиликни тизимли йўлга қўйиш, маҳалладаги низоли оилаларни аниқлаш, ҳисобда турган шахслар билан индивидуал тартибда иш олиб бориш ва профилактикани кучайтириш юзасидан ўз кўрсатмаларини берди.
Йиғилишда куни кеча яъни 2019 йил 23 март куни Урганч тумани Чаткўпир қишлоғида яшовчи Ганжаева Хосият Мадримовна 23 март куни соат 20:30 да ўғли Т.Балтаевни номида бўлган Дамас 90 К 135 КА давлат рақам белгили автамашинасини Қоровул қишлоғи худудидан ўтган 4 Р 162 автомабил йўли бўйлаб Урганч-Хива йўли чап томондан ўнг томонга кесиб ўтаётган пиёда Миллий Гаврдия Қўриклаш бошқармаси 1 бригадаси 1 отряд сафдори Матқурбанов Хурсанд Давронбековични автамашина олд қисми билан уриб юбориб, унинг ўлмига сабабчи бўлганлигини гапириб ўтди.
Мазкур ҳолат нафақат маҳалла балки туман учун ҳам оғир жиноят эканлигини танқид қилиб ўтди.
Мазкур ҳолат юзасидан Ўзбекистон Республикаси ЖКнинг 266-моддаси 2-қисми билан жиноят иши қўзғатилганлигини таъкидлади.
Йиғилишда туман ИИБ бошлиғи Д.Жалолов сўзга чиқиб, жиноятчиликка қарши курашиш, ҳуқуқбузарликлар профилактикасини тизимли ташкил қилиш, ҳуқуқбузарликларни барвақт олдини олиш, тунги хизмат фаолиятни тўғри ташкиллаштириш ва жадаллаштириш, жамоатчилик назорати масканларига жамоатчилик вакилларини жалб қилиш, ва бу борада масъулиятни янада ошириш юзасидан сўз юритди.