Urganch davlat universitetining kimyoviy texnalogiya fakulteti «yst»YO’nalishi

II.3. Kiyimning tashqi tuzilishi va konstruksiyasi.

Kiyimning tashqi tuzilishi uning ichki tuzilishi bilan va konstruktiv-siluet chiziqlari bilan aniqlanadi. Siluet chiziqlari kiyimning proporsiyalari, hajmiy shakli va tashqi ko‘rinishini tavsiflaydi. Konstruktiv chiziqlar kiyim sirtini alohida qismlarga bo‘ladi (detallarga) va shuning natijasida kiyimning hajmiy shakli vujudga keladi. Kiyim silueti bu modani aniqlovchi kompozitsiyaning asosiy elementlaridan biridir. Hozirgi vaqtda to‘g‘ri, tanaga yopishib turadigan, tanaga qisman yopishib turadigan va trapetsiyasimon siluetlar klassik siluetlar hisoblanadi. Kiyimning bichimi deb, yeng va boshqa detallarning bichilishiga aytiladi. Hozirgi vaqtda quyidagi yeng bichimlari sanoatda uchraydi: o‘mizga o‘tkazma yeng, reglan, yaxlit bichilgan yeng. Yuqorida aytilgan yenglarning birikmasi yangi yeng turi: kombinatsiyalangan yeng bichimini tashkil yetadi. Yenglar detallarining soniga qarab bir chokli, ikki chokli va uch chokli bo‘ladi. Kiyimning bichimi old va orqa detallarining bo‘ylama va enlama choklari bilan ham tavsiflanadi.