Urganch davlat universiteti turizm va iqtisodiyot fakulteti turizm va mehmonxona xo

Sifat darajasini aniqlash usullari Ilova 7

Mahsulot sifat darajasini aniqlashda uning barcha ko‘rsatkichlari xaqida to‘liq ma’lumot bo‘lishi va xususiyatlari taxlili bo‘lishi shartdir.

AQSh va Yevropa	Yaponiya
Sifat – narx pasayishiga asoslanadi.	Sifat – nuqsonlarning pasayishiga asoslanadi.
Asosiy maqsad – foyda, sifat va tasodifiy kategoriya.	Asosiy maqsad – sifat, foyda va bularni unutmaslik.
Iste’molchilar sifat bo‘yicha ta’minotchilar bilan kelishuvlari lozim.	Sifat bo‘yicha iste’molchilar bilan kelishuv lozim.
Sifat soxasida umumiy kelishuv.	Har bir tovar sifati bo‘yicha qatiy siyosat yuritish.

*Okropilov V.V. “Upravlenie kachestvom” 1998 g. St. 87-99.

Jadvaldagi fikrlar bir qarashda farq qilishi ham sezilib turibdi.

Mahsulot sifat darajasini aniqlash ma’lumotlarni qaysi yo‘l bilan va qaysi manba’dan olinganligiga qarab ikki guruxga bo‘linadi: axborotni olish usuliga ko‘ra va axborot manbasiga ko‘ra.

Axborot olish yo‘llariga ko‘ra quydagi usullarga bo‘linadi:

Tajriba (o‘lchash, ro‘yxatga olish) usuli. Bu usul olinadigan ma’lumotlarni ro‘yxatga olish, o‘lchash, xisoblash orqali taxlil qiladi. Masalan:ma’lum vaqt ichida necha marotaba buzuldi, aylandi, yo‘l bosti, ta’mirlandi yoki yaroqlilik muddati to‘g‘ri aniqlandimi va boshqalar.

Xisoblash usuli. Mahsulotning nazariy jixatdan ma’lum bo‘lgan barcha ko‘rsatkichlariga taqqoslagan xolda xisoblash va tekshirish asosida xulosa chiqariladi. Bu usul asosan mahsulotni loyixa-konstruktorlik ishlari jarayonida bajarilib uning hayotiy jarayonlarini - kelajagini belgilaydi.

Loyixalash davrida xisob-kitob, taqqoslash va sinash ishlari o‘ta mukammal bo‘lishi lozim. Loyixa davrida qo‘yilgan arzimas xato ishlab chiqarish jarayoniga tadbiq etilsa korxonaga katta zarar keltiradi.

Organoleptik usullar. Bu usul amaliyotda eng qo‘llanadigan usullardan bo‘lib, asosan oziq-ovqat, porfyumeriya, turli ichimliklar va boshqa soxalarda qo‘llanadi. Insonlar sezgi a’zolari ko‘z, til, burun, quloq orqali aniqlanadi. Insonlar sezgi a’zolari orqali olingan ma’lumotlarni ishonchlilik darajasini oshirishda texnik vositalardan ham foydalaniladi (mikroskop, tonometr, ovaskop va boshqalar). Bu usulni anq bo‘lishiga mutaxassisning malakasi, tajribasi, ko‘nikmalari va o‘z soxasini ustasi bo‘lishi qo‘l keladi.

Axborotni olinish manba’siga ko‘ra quydagi usullarga bo‘linadi:

Odatiy (ananaviy) usul. Texnik manbalardan olingan axborotlarga suyangan xolda mahsulotni sinov tekshiruv natijalarini taxlil qilinadi.bu usul ko‘p jixatlari bilan eksperimental usul va jarayonlar bilan uzviydir.

Ekspert usuli. Mutaxassiy – ekspertlar tomonidan qabul qilingan xulosalarga asoslanadi. Ekspertlpr guruxiga o‘z ishini ustalari, yuqori malakali yo‘nalish bo‘yicha katta tajribaga ega bo‘lgan kishilar jalb qilinadi. Ekspert guruxini har bir a’zosi o‘z fikrini bildiradi va uni asoslab beradi. Ekspertlar tomonidan bildirilgan fikrlar jamlanadi va mahsulot sifati xaqida umumlashgan yagona xulosa qabul qilinadi.

Sotsiologik usul. Bu usulda axborot manbayi bo‘lib bevosita iste’molchilar yoki jamoatchilik fikri va muloxazalari bo‘lishi mumkin. Bu usul o‘z nomi bilan ko‘rinib turubdiki, unda so‘rovnomalar, anketalar va boshqalardan foydalanilishi mumkin. Sotsiologik usul muxim tomoni shundaki, mahsulotning real ko‘rsatkichlari bilan birga uning kamchiliklari va sifatni boshqarishda ko‘l keluvchi turli o‘zgarishlar ham kelitirib o‘tiladi. Bu usul mahsulotning barcha hayotiy jabxalarid aqo‘llanilishi mumkin.

Mahsulot sifat darajasini aniqlash. Mahsulot sifat darajasini ko‘rsatkichlari asosan uch usulda: differensial, kompleks va aralash usullarda aniqlanadi.

• 
  Differensial usul aniq xisob kitob, aloxida ko‘rsatkichlarining asosiy, rejadagi va normativ xujjatlardan farqlanishi asosida xisoblab topiladi. Mahsulot sifatini nisbatan aniqlash formulasi quydagicha ifodalangan:
  

Bunda: Q – mahsulot sifati darajasi;

K – mahsulot sifatining mutloq-absolyut ko‘rsatgichi;

K_b – mahsulot sifatining bazovыy absolyut ko‘rsatkichi.

Q=1 ga teng bo‘lganda mahsulot sifat darajasio‘zgarishsiz qolganini ko‘rsatadi. Agarda Q>1 va Q<1, ko‘rinishida bo‘lsa bu xolda sifat darajasida o‘zgarish ro‘y berganini ko‘ramiz. Mahsulot sifat darajasini aniqlashda bir necha ko‘rsatkichlar xisobga olinadi, ularda bitasi asosiy ko‘rsatkichdan past bo‘lsa bunday mahsulot sifati standartga muvofiq emas deb topiladi.

Yana bir bir jixatni ko‘rish mumkinki ayrim mahsulotlarni bir xususiyati asosiy ko‘rsatkichdan yuqori bo‘lib, boshqasiga nisbatan past bo‘lsa bunday xolda kompleks va aralash usullardan ham foydalaniladi.

Kompleks usulda mahsulotning barcha muxim ko‘rsatkichlari umumlashtirib sifat darajasi aniqlanadi. Masalan, eng muxim ko‘rsatkichlardan biri bo‘lib – transport vositasi uchun tonna/km, yo‘lovchi/km, ishlab chiqarish unumdorligida ishchi/soat va xakazolar.

Aralash usulda bir vaqtning o‘zida sifatning ayrim va kompleks ko‘rsatkichlari olinishi mumkin. Aralash usulda mahsulotning aloxida ko‘rsatkichlari to‘laligicha yoki qisman umumlashtirib olinishi mumkin. Bir vaqtning o‘zida har ikkala usul ham qo‘llanishi mumkin.