Urganch Davlat universiteti “O‘zbek tilshunosligi” kafedrasi “tasdiqlayman” O‘quv ishlari bo‘yicha prorektor

MA’LUMOT-AXBOROT HUJJATLARI BO‘YICHA MASHG‘ULOT
Reja

1. 
   Ma’lumot-axborot hujjatlari haqida umumiy ma’lumot.
   
2. 
   Ma’lumot-axborot hujjatlari bo‘yicha mashq.
   

M A ‘ L U M O T – A X B O R O T H U J J A T L A R I

Ma’lumot-axborot hujjatlari anchayin katta guruhni tashkil qiladi, ular ish yuritish jarayonida ayniqsa ko‘p ishlatiladi. Bu guruh ariza, bayyonnoma, bildirishnoma, vasiyatnoma, dalolatnoma, ishonchnoma, ma’lumotnoma, tavsifnoma, tavsiyanoma, taklifnoma, tarjimayi hol, tushuntirish xati, e’lon, hisobot kabi hujjatlarni o‘z ichiga oladi.

A R I Z A

Arizada quyidagi zaruriy qismlar ifodalanishi lozim:

- ariza yo‘llanadigan muassasa nomi yoki rahbarning vazifasi, unvoni, ismi, ota ismi va familiyasi;

- ariza yozuvchining turar joyi yoki vazifasi, ismi, ota ismi va familiyasi;

- hujjat nomi (Ariza);

- ariza matni (iltimos, taklif yoki shikoyat);

- zarur bo‘lgan holatda ilova qilinadigan hujjatlar nomi;

- qog‘ozning chap tomonida ariza yozilgan vaqt (yil, kun va oy);

- qog‘ozning o‘ng tomonida ariza yozuvchining imzosi, ismi va ota ismining bosh harflari, familiyasi.