|
Mashg’ulot uchun materiallar
I. Mavzu yuzasidan topshiriq.
Blits-so`rov savollariga javob qaytaring. Talabalarning e’tiborlariga quyidagi savollar havola etiladi:
1. O`zRning “Kadrlar tayyorlash milliy dasturi” qanday hujjat?
2. O`zRning “Kadrlar tayyorlash milliy dasturi”da qanday maqsad ko`zlangan?
3. Kadrlar tayyorlash milliy modeli nima?
4. Uzluksiz ta’lim tizimi qanday ta’lim turlarini o`z ichiga oladi?
II. Kichik guruhlarda ishlash uchun topshiriq.
Kartochkalar asosida beriladigan quyidagi savollarga javob qaytaring:
1. “Kadrlar tayyorlash milliy dasturi”ning tarkibiy qismlari nimalardan iborat?
2. “Kadr tayyorlash milliy dasturi” qanday tamoyillarga asoslanadi?
3. Umumiy o`rta ta’lim necha bosqichdan iborat?
4. Akademik litsey qanday muassasa?
5. Kasb-hunar kollejlarining boshqa ta’lim muassasalardan farqi nimada?
6. Oliy ta’lim bosqichlarini sanab o`ting.
7. Oliy ta’limdan keyingi ta’lim qanday shakllarda amalga oshiriladi?
8. Kadrlar malakasini oshirish va ularni qayta tayyorlash tizimi qanday maqsadni ko`zlaydi?
III. Kichik guruhlarda ishlash uchun topshiriqlar:
O`zR “Kadrlar tayyorlash milliy dasturi”ning mazmunini yoriting.
Bu o`rinda talabalar “6x6x6” metodiga muvofiq tashkil etilgan kichik guruhlarda faoliyat ko`rsatadilar va quyidagi topshiriqlarni bajaradilar:
1. O`zRning “Kadrlar tayyorlash milliy dasturi” mazmun-mohiyatini aks ettiruvchi jadval yoki sxemani yarating.
2. “Kadrlar tayyorlash milliy dasturi”ning asosiy tamoyillarini ifodalovchi sxemani yarating.
3. Uzluksiz ta’lim tizimi mohiyatini yorituvchi jadvalni shakllantiring.
4. Sxema asosida maktabdan tashqari ta’limni amalga oshiruvchi muassasalar tizimini yarating.
5. O`rta maxsus, kasb-hunar ta’limi mazmunini yorituvchi jadvalni shakllantiring.
IV. Mavzuga oid test savollari:
1. Amaldagi O`zbekiston Respublikasining “Ta’lim to`g’risida”gi Qonuni hamda “Kadrlar tayyorlash Milliy dasturi” qachon qabul qilingan?
A) 1992 yil, iyul; B) 1997 yil, avgust; C) 1991 yil, avgust; D) 2000 yil, iyul.
2. O`zbekiston Respublikasining ta’lim sohasidagi davlat siyosatining asosiy tamoyillari qaysilar?
A) ta’lim va tarbiyaning insonparvar, demokratik xarakterda ekanligi, ta’limning uzluksizligi va izchilligi, ta’lim tizimining dunyoviy xarakterda ekanligi;
B) umumiy o`rta, shuningdek, o`rta maxsus, kasb-hunar ta’limining majburiyligi, o`rta maxsus, kasb-hunar ta’limining yo`nalishi, akademik litseyda yoki kasb-hunar kollejida o`qishni tanlashning ixtiyoriyligi, davlat ta’lim standartlari doirasida ta’lim olishning hamma uchun ochiqligi;
C) ta’lim dasturlarini tanlashga yagona va tabaqalashtirilgan yondashuv, bilimli bo`lishni va iste’dodni rag’batlantirish, ta’lim tizimida davlat va jamoat boshqaruvini uyg’unlashtirish;
D) barcha javoblar to`g’ri.
4. Qaysi tamoyil O`zbekiston Respublikasida ta’lim taraqqiyoti ilmiy asoslarga ega bo`lib, ilm-fan, texnika, texnologiya hamda madaniyatning yuksala borishi bilan chambarchas holda rivojlanib borishini ko`zda tutadi?
A) ta’limning uzluksizligi va izchilligi;
B) davlat standartlari doirasida ta’lim olishning hamma uchun ochiqligi;
C) ta’lim tizimining dunyoviy xarakterga ekanligi;
D) bilimli bo`lish va iste’dodni rag’batlantirish.
5. Ta’lim muassasasi nima?
A) qonun hujjatlariga muvofiq ishlab chiqilgan ustav asosida faoliyat ko`rsatadigan yuridik shaxs;
B) pulli ta’lim xizmatlarini ko`rsatish orqali moliyaviy imkoniyatlarini kengaytirish huquqiga ega yuridik shaxs;
C) rivojlangan xorijiy mamlamatlarning ta’lim muassasalari bilan hamkorlikni yo`lga qo`yish huquqiga ega yuridik shaxs;
D) ta’lim sohasidagi islohotlarni tashkil etishga mas’ul yuridik shaxs.
6. Ta’lim muassasasi pedagogik tizimining aksiologik asosini tashkil etuvchi nazariy kontseptsiya asosini bir-biriga bog’liq qanday tizimlar tashkil etadi?
A) ta’limiy, tarbiyaviy, rivojlantiruvchi;
B) tarbiyaviy, didaktik, ijtimoiy-g’oyaviy;
C) tarbiyaviy, didaktik, muloqot;
D) ijtimoiy-g’oyaviy, aksiologik, didaktik.
7. O`zRda amalga oshiriladigan ta’lim turlarini ko`rsating.
A) umumiy o`rta ta’lim, o`rta maxsus, kasb-hunar ta’limi, oliy ta’lim, maktabdan tashqari ta’lim;
B) maktabgacha ta’lim, umumiy o`rta ta’lim, o`rta maxsus, kasb-hunar ta’limi, oliy ta’lim, oliy o`quv yurtidan keyingi ta’lim, kadrlar malakasini oshirish va ularni qayta tayyorlash, maktabdan tashqari ta’lim;
C) maktabgacha ta’lim, umumiy o`rta ta’lim, o`rta maxsus, kasb-hunar ta’limi, oliy ta’lim, sirtqi ta’lim, maktabdan tashqari ta’lim;
D) maktabgacha ta’lim, umumiy o`rta ta’lim, o`rta maxsus, kasb-hunar ta’limi, oliy ta’lim, kadrlar malakasini oshirish va ularni qayta tayyorlash, majburiy ta’lim, hamda majburiy-ixtiyoriy ta’lim.
8. O`zRning “Kadrlar tayyorlash Milliy dasturi”ning maqsadi qaysi variantda to`g’ri ko`rsatilgan?
A) ta’lim sohasini tubdan isloh qilish;
B) ta’lim sohasini o`tmishdan qolgan mafkuraviy qarashlar va sarqitlardan to`la xalos etish;
C) rivojlangan demokratik davlatlar darajasida, yuksak ma’naviy va axloqiy talablarga javob beruvchi yuqori malakali kadrlar tayyorlash Milliy tizimini yaratish;
D) barcha javoblar to`g’ri.
9. Kadrlar tayyorlash milliy modelining asosiy tarkibiy qismlari qaysi variantda to`g’ri berilgan?
A) ta’lim jarayonining ishtirokchilari;
B) ta’lim xizmatlarini ko`rsatuvchilar;
C) ta’lim xizmatlarining iste’molchilari;
D) shaxs, davlat va jamiyat, uzluksiz ta’lim, fan, ishlab chiqarish.
Do'stlaringiz bilan baham: |
