Urganch – 2020 O‘zbekiston respublikasi oliy va o‘rta maxsus ta’lim vazirligi urganch davlat universiteti pedagogika fakulteti

E’tibor qiling!

Foydalanishga tavsiya etiladigan adabiyotlar:
1. Amir Temur o’gitlari. — Т.: Navro’z, 1992.
2. H.Boboev, Z. G’ofurov, Z.Islomov. Milliy istiqlol mafkurasi va taraqqiyot. — Т.: Yangi asr avlodi, 2001.
3. Mirzo Ulug’bek. To’rt ulus tarixi. — Т.: «Cho’lpon», 1998.
4. Amir Temur vasiyati. — Т.: «G’.G’ulom», 1991.
5. A.Zunnunov va boshqalar. O’rta Osiyoda pedagogik fikr taraqqiyotidan lavhalar. — Т.: «Fan», 1996.
6. Temurnoma. — Т.: «Cho’lpon», 1990.
7. Pedagogika tarixi / Tuzuvchilar K.Hoshimov va boshq. Ma’ruzalar matni. 2-jild. — Т., 2OO1.


ALISHER NAVOIYNING PEDAGOGIK QARASHLARI
Reja:
1. Alisher Navoiyning ilmiy-ma’rifiy faoliyati.
2. «Xamsa» dostonlarida ilgari surilgan ta’limiy-axloqiy qarashlar.
3. «Mahbub ul-qulub»da inson kamolotiga xos xislatlarning yoritilishi.
4. Alisher Navoiy ma’rifiy qarashlarining ta’lim-tarbiya tarixida tutgan o’rni.
Qomusiy bilimlar sohibi buyuk mutafakkir va ma’rifatparvar Alisher Navoiy (1441-1501) XV asrda - temuriylar davrida yashab ijod etgan allomadir.
Mashhur tarixchi Xondamir Navoiyning yoshlarga bilim berish va ularni tarbiyalash uchun katta imkoniyatlar tug’dirganini bunday tasvirlaydi: «..Atoqli olimlar va hurmatga loyiq bo’lgan san’at ahllarining darajalarini ko’tarishda qo’ldan kelgan qadar harakat qilib, bunday ishlarga ahamiyat berdi. O’quvchilar faqat o’qish bilan mashg’ul bo’lishlari uchun ularga nafaqa tayin etib, madrasalar bino qildi» .
Alisher Navoiy yosh avlodning ilm-hunar egallashini va eng yaxshi insoniy fazilatlarga ega kishilar bo'lishini orzu qiladi. Uning ta’lim-tarbiya sohasidagi fikrlarida insonparvarlik g'oyalari markaziy o‘rinda turadi. Navoiyning fikricha, inson dunyoda hammadan yuksak va qadrlidir.

Eslab qoling!

Buni yodda saqlang!
Alisher Navoiy bolaning voyaga yetishida, kamol topishida tarbiyaning kuch-qudratiga alohida e’tibor beradi. Navoiy fikricha, oqil, qobiliyatli, dono inson o ‘zining kuch-quwatiga, aqluzakovatiga ishonadi. Shuning uchun Navoiy ilm-fanning ahamiyatini yoritib berar ekan, ilmni qorong‘ulikni yorituvchi chiroq, hayot yo‘lini nurafshon etadigan quyosh, odamlarning haqiqiy qiyofasini ko‘rsatadigan omil sifatida ta’riflaydi.