Urganch – 2020 O‘zbekiston respublikasi oliy va o‘rta maxsus ta’lim vazirligi urganch davlat universiteti pedagogika fakulteti

2-topshiriq. DARSDA O`RGANILGAN YANGI MATERIAL USTIDA KUZATISH O`TKAZING
Kuzatish uchun savollar:
1) Darsda yangi materialni o`rganish nimadan boshlanadi? Yangi materialga o`tish paytini aniq ajratishning imkoniyati bormidi? Yangi materialni o`rganish qanday tuzilgan edi?
2) Yangi mavzuni o`rganish davrida o`qituvchi tomonidan qanday ta'lim vositalari ishlatilgan? Ular material xarakteri bilan qanchalik muvaffaqiyatli bog`langan? Ular o`quvchilar bilish faoliyatining qaysi tipini (reproduktiv, ijodiy) tashkil qilishga yordam beradi?
3) O`qituvchi qanaqa ta'lim usulidan foydalangan? Ular darsning maqsadi, o`quvchilarning yosh xususiyati, materialning xarakteriga qanchalik javob berardi?
4) O`qituvchiga barcha o`quvchilar faolligini qamrab olishning imkoni bo`ldimi? Ko`rilgan qaysi savollar bo`yicha bolalar faolligi ko`proq edi?
5) O`qituvchi o`zi tanlagan ta'lim usulini qanday egallagan? U qaysi usuldan ko`proq foydalanadi? Nima sababdan u shu uslubga ko`proq tayanadi?
6) Darsdan so`ng o`quvchilarning birontasi bilan darrov suhbatlashing, u yangi materialni tushunib olgan yoki olmaganligini, uni qanchalik chuqur idrok qila olganligini aniqlang.
7) Ana shu darsda yangi materialni o`rgatishda va uning samaradorligini yanada oshirish maqsadida siz nimalarni o`zgartirgan bo`lardingiz?
O`zingizning o`quv rejangiz variantini qisqacha asoslab bering. O`z o`rtog`ingiz ishtirokida bayon etilganlarni qayta takrorlang. Ularning fikrlarini so`rang.
Vaziyatli masalalar (Keyslar)
1-Masala.
Dars vaqti. O`qituvchi dars o`tayapti. Lekin bir o`quvchi uning so`zini tinglashni istamay, o`rtoqlari bilan gaplashib o`tiribdi. O`qituvchini sabr-kosasi to`lib, o`quvchiga tanbeh berdi. Shunda o`quvchi o`qituvchiga gap qaytarib, eshikni qattiq yopib chiqib ketdi.
1. O`qituvchi to`g`ri ish qildimi?
2. Endi u o`quvchiga nisbatan qanday jazo qo`llashi kerak?
2-Masala
Siz o`qituvchisiz. Sinfdagi hamma o`quvchilar sizni hurmat qiladi. Dars o`tayapsiz. Dars jarayonida ikki nafar qizning boshqa narsa bilan shug`ullanib o`tirganini sezib qoldingiz. Qizlarga bildirmay ularning oldiga borasiz. Qizlar kulgili rasm chizgan, rasmning ostiga sizning ismingizni yozib qo`yishgan edi.
1. Bunday vaziyatda qanday yo'l tutgan bo`lardingiz?
2. Bu holat qaysi yoshdagi o`quvchilarga to`g`ri keladi?