Urganch – 2020 O‘zbekiston respublikasi oliy va o‘rta maxsus ta’lim vazirligi urganch davlat universiteti pedagogika fakulteti

Mavzu yuzasidan topshiriq
DARS YOKI DARSDAN TASHQI MASHG’ULOT YUZASIDAN KUZATISH O’TKAZING VA SINF JAMOASIDAGI O`ZARO MUNOSABATNING XARAKTERI HAQIDA MATERIAL TO`PLANG
1. O`quvchilar bilan suhbatlashing va jamoaning takomil-lashuvi darajasi haqidagi ularning fikrlarini aniqlang.
Suhbat uchun savollar:
1) Sizning fikringizcha sinfingizda jamoa bormi? Agar bor bo`lsa, unda bu nimalarda ko`rinadi?
2) Siz o`z xohishingiz bilan maktab uchun, sinf uchun kerakli, foydali ish qila olasizmi? Bular qanaqangi ishlardan iborat?
3) Sizlardagi har bir kishi bir-birining kamchiligi haqida to`g`ridan-to`g`ri gapira oladimi?
4) Sinf faoli jamoa hayotining haqiqiy tashkilotchisimi?
5) Siz o`z jamoangizning yo`lboshchilariga qanday munosabat bildirasiz?
6) Sizlar har doim ham bir-biringizga nisbatan e’tiborlimisizlar? Hayotdagi va ishdagi muvaffaqiyatlar hamda muvaffaqiyatsizliklar hamma tomonidan yaqin qabul qilinadimi yoki ba'zi birovlar tomonidanmi?
7) Jamoangizning o`z an'analari bormi? Siz ularga nisbatan qanday munosabatdasiz?
8) Sinf jamoasining rivojlanishiga nima ko`maklashadi va nimalar halaqit beradi?


Vaziyatli masalalar (Keyslar)
1-masala.
4-kurs amaliyotchi-talaba «Zoologiya» fanidan dars o`tayapti. Mavzu: «Suvda ham, quruqlikda ham yashovchi hayvonlar sinfi. Baqaning tashqi tuzilishi». Darsda rasm, chizmalardan foydalanilyapti, negadir bu narsalar bolalar diqqatini o`ziga jalb qila olmayapti. Baqaning tashqi tuzilishi haqidagi so`zlar bolalarni hech ham qiziqtirmayotgandek edi. Talaba mavzu yuzasidan bir qiziq voqeani ayta boshlagan edi hamki, hamma jon qulog`i bilan tinglay boshladi. «Rus olimi I.V.Michurin bir baqani o`ziga o`rgatib olib, uni ehtiyot qilib boqa boshlabdi, o`zi ham unga juda o`rganib qolibdi, kunlardan bir kuni Michurinning eng yaqin do`sti mehmonga kelibdi. Baqani mehmon tayoq bilan urib o`ldirib qo`yibdi. Michurin xafa bo`lib qolibdi va bir oy do`sti bilan gaplashmay yurgan ekan». Bu voqeani sinf xayratlanib tingladi, endi barcha bolalar talaba-amaliyotchining so`zlarini zo`r qiziqish bilan tinglashni davom ettirdilar.
1. Vaziyatni tahlil qiling Bu holatdan yosh o`qituvchilar qanday xulosa chiqarishlari kerak?
2. Sizningcha bu qo`shimcha axborotdagi bayonnning o`rni qaerda?
3. Axborotning o`rni o`zgarsa, tarbiyaviy-ta'limiy vazifalar ahamiyati qanday bo`ladi?