Urdu pedagogika fakulteti bt va sti ta‘lim yo‘nalishi 189-guruh talabasi Ismoilova Nilufar

Kerakli asbob va materiallar:
Darslik va o‘quv qo‘llanmalar, ma’rO‘za matni, daftar, ruchka, qalam, o‘chirg‘ich, xarita, boshlang‘ich sinf darsliklari, videoproektor, monitor, ko‘rgazmalar.
Ushinskiy o‘z asarlarida turli so‘zlar va bilimlarni bolalar shakllar, ranglar, hajm va tovushlar vositasida idrok qiladi va tasavvurlar shakllanadi, deb qayd etadi.
Tabiatshunoslik o‘qitishda quyidagicha ko‘rgazma vositalar qo‘llaniladi
1. Tabiiy yoki predmetli ko‘rgazma qo‘llanmalar.
Tirik mavjudotlar–barcha tirik o‘simlik va hayvonlar; gerbariylar, tulumlar; kolleksiyalar-o‘simliklar, urug‘lari, mevalari, hayvonlar kolleksiyalari, foydali qazilmalar, tog‘ jinslari, mineral moddalar, tuproq namunalari, o‘g‘itlar, torf. To‘garak mashg‘ulotlari, sinfdan tashqari mashg‘ulotlar jarayonida ular o‘quvchilar tomonidan tayyorlanishi ham mumkin.
Tasviriy ko‘rgazmalar. Ular tayyor holda magazinlarda sotiladi, sotuvchilarning mustaqil o‘rganishlari va namoyish qilishda foydalaniladi. Ular to‘plam holida tayyorlanadi. Fabrikalarda, maktablar esa zaruriy miqdorda sotib oladilar.

Globus-yer sharining kengaytirilgan ko‘rinishi. O‘z o‘qi atrofida aylanishini aks ettiradi, parallel va meridian chiziqlari, shimol, janub, g‘arb, sharq tomonlar, ko‘l, okean va dengizlar rangli tasvirlar orqali ifodalangan.
Ichki organlar modellari ham mavjud: yurak, o‘pka, bo‘yrak, gulning modeli, meva va urug‘lar modellari tayyorlanagan, ayrimlarini bolalarning o‘zlari yasashlari mumkin. Maktab sharoitida plastilin, parafin, karton qog‘ozdan bolalarning o‘zlari yasashlari mumkin.
Mulyaj-bu (frans. mouler soʻzidan — qoliplamoq, quymoq) — biror bir obʼyektdan gips, mum, papyemasheda olingan nusxa; odatda boʻyalgan, asosan, koʻrgazmali qurol vazifasida xizmat qiladi (tabiiy yoki patologik oʻzgartirilgan tana aʼzolari, tana boʻlagi, sabzavotlar, baliqlar va boshqalar). Mulyaj naturadan olingan qolipda quyiladi yoki oʻlchovlar asosida qoʻlda tayyorlanadi. Tabiatshunoslikka oid mulyajlar-mevalar sabzavot va ildizli mevalardir.
Applikatsiya - bir tomonlama ko‘rinishli hajmli qo‘llanmadir. Plastilin, (orgoyna)-oyna maydalaridan tayyorlanadi. Terining tuzilishi, o‘pka bo‘yrak va boshqa ichki organ a‘zolarini shu yo‘l bilan tayyorlab, tuzilishilari o‘rganiladi. Qon aylanish tizimi, nafas olish, bosh miyaning tuzilishini ko‘rsatish mumkin.