Universiteti tabiiy fanlar kafedrasi

Klinik o‘limni biologik o‘limdan farqlash

Klinik o‘lim	Biologik o‘lim
Asosiy belgilar
Puls –yo‘q Nafas – yo‘q Behushlik holati		Puls –yo‘q Nafas – yo‘q Behushlik holati
Qo‘shimcha belgilar
1.Ko‘z qorachig‘i kengayadi, yorug‘likka reaktsiya bermaydi. 2.Teri rangining oqarishi, sovuq ter bilan qoplanishi va tana haroratini pasayishi (shok holatida, ko‘p qon yo‘qotganda ham bo‘lishi mumkin). 3. Reflekslar yo‘qoladi.		1.Ko‘z qorachig‘i ellips shaklida turib qolishi (“mushuk ko‘zi” simptomi). Bemorni ko‘zini ochib, periferiyadan markazga qarab siqiladi, shunda ko‘z qorachig‘i oval shaklga kelib, orqaga qaytmaydi. 2. Jasadni sovishi, jasadni qotishi. 3.Murda dog‘larining paydo bo‘lishi. (2-4 soatdan keyin)

Shoshilinch vaziyatlarda birinchi yordam ko‘rsatishning 4 qoidasi mavjud bo‘lib, ularni birin-ketin amalga oshirish lozim.
1. Hodisa ro‘y byergan joyni ko‘rib chiqish.
2. Jabrlanuvchini birlamchi ko‘zdan kechirish va hayoti uchun xatarli bo‘lgan holatlarda unga birinchi yordam ko‘rsatish.
3. Tez yordamni chaqirish.
4. Jabrlanuvchini ikkilamchi ko‘zdan kechirish, zarur xolatlarda yana yordam ko‘rsatish, tez yordam etib kelgunicha uzluksiz kuzatib turish.
Birlamchi ko‘zdan kechirishda avval jabrlanuvchini xushida ekanligi aniqlanadi: undan “Sizga yordam kyerakmi?” deb so‘raladi. Agar javob bo‘lmasa, uning trapesiyasimon muskuli siqib ko‘riladi. Bemorni turtish va qimirlatish mumkin emas. Birlamchi ko‘zdan kechirishda jabrlanuvchining nafas yo‘lining ravonligi, nafas olishi va tomir urishi bor yoki yo‘qligi tekshiriladi. Hozirda dastlabki shoshilinch yordam ko‘rsatishning bosh harflardan iborat mukammal asosi ishlab chiqilgan. Bu AVS dasturi, ya’ni jonlantirish alifbosi bo‘lib, mantiqan va ilmiy asoslangan davolash choralarini qat’iy ketma-ketlik majmuasini ifodalaydi.