Университети кимё – технология факультети

 
Ўзбекистон Миллий университети 
“Физикавий кимё” кафедраси 
 мудири к.ф.д., проф. Акбаров Ҳ.И.

---

20
ӨМИРИН ИЛИМ ҲӘМ БИЛИМЛЕНДИРИЎГЕ АРНАҒАН, ЕЛ 
АРДАҚЛАҒАН АЛЫМ УСТАЗЫМДЫ МЕҲИР МЕНЕН ЕСЛЕЙМЕН
Өзиниң илимий педагогикалық басқышын илим менен баслаған 
Қуўанышбай аға Өтениязов шаршаўды билмейтуғын инсан еди. Қуўанышбай 
ағаның өмириниң көпшилик дәўири университетте өтти десек те болады. 
Қуўанышбай аға ҳәр күни азанғы саат 8-ден кешки саат 9 ға шекем 
университеттиң ҳәзирги бас бинасындағы үшинши қабаттағы неорганикалық 
ҳәм органикалық химия кафедрасының қасында өзиниң отыратуғын 
ханасында илимий мақалалар жазыў, көргизбе қураллар таярлаў менен менен 
бәнт болып отыратуғын еди. 
Қуўанышбай аға студентлер ҳәм оқытыўшылар менен бирге 
ислесиўден шаршамайтуғын инсан еди. Ол меҳрибан педагог болыў менен 
бир қатарда алдына қойған ҳәр бир мәселени дурыс шеше алатуғын инсан 
еди. Қуўанышбай ағаның және бир әдалатлы жериниң бири алдына шағым 
менен барған адамды бир бири менен жүзлестирип сөзлерин тыңлап болып 
жуўмақ шығаратуғын инсан еди. 
Кадр мәселеси бойыншада жан күйер талапшаң ҳәр бир оқытыўшыға 
барыңлар жақлап келиңлер жәрдем беремен деп көпшиликти сол жыллары 
аспирантураға жиберди. Қуўанышбай аға ректор болғаннан кейинги 
бизлердиң өмиримиздеги ең есте қаларлық бурылыс бул 1993 жылы зоология 
кафедрасы жанында, биринши мәрте зоология қәнийгелиги бойынша 
аспирантураның ашылыўы болды. Биринши мәрте бириншилерден болып 
бул қәнийгеликке Туремуратова Г, Курбанова А, Сеитназаров С, Абдирова А. 
экзаменлерди табыслы тапсырып биринши аспирант болдық. Бул қәнийгелик 
бойынша аспирантураның ашылыўында Қуўанышбай ағаның мийнети жүдә 
үлкен биз ҳамме ўақытта миннетдармыз.Ташкентке барып кадр мәселеси 
бойынша сөйлесип келип, көп қыйыншылықлар менен ашылғанының гуўасы 
болғанбыз. Аспирантурада оқып жүрген көпшилик аспирантлардың соның 
ишинде химия, биология тараўлары бойынша Ташкентке барып 
лабораторияда жумыс ислеўге туўра келип қалады. Алдына барып Ташкентке 
рухсат алғанымызда ҳәр бир аспиранты, сол ўақытта университте Икарус 
автобусы бар еди соның айдаўшысын шақырып алып аспирантларды бийпул 
апарып алып келетуғынын айтып жиберетуғын еди.
 
Тәлим тәрбия мәселесине итибарлы, әсиресе оқытыўшыларға қарап 
сизлердиң сөйлеген сөзиңизге, кийиниў жүрис турысыңызға қарап 

---

21
студентлер баҳа береди,соның ушын сабаққа кирместен бурын бир айнаға 
қарап алың дийтуғын еди. Баслаған жумысынызды ақырына шекем жеткериң 
таслап қоймаң дейтуғын еди. Химия пәниниң раўажланыўына үлкен үлес 
қосқан алым, меҳрибан устаз ҳәм әдиўли ата еди. Ҳәзирги ўақытта устаздың 
оқытқан тәрбиялаған шәкиртлери мәмлекетимиздиң барлық тараўларында 
мийнет етип атыр. 
Белгили алым ҳәм педагог Қуўанышбай ағаның өмир жолынан ҳәзирги 
илим менен шуғылланып атырған жас илимпазларымыз үлги алады ҳәм оның 
өмир жолын даўам етеди деп исеним билдирип меҳир менен еслеп қаламыз.