Universiteti jizzax filiali amaliy matematika fakulteti amaliy matematika va informatika kafedrasi

7-AMALIY MASHGʽULOT.
Mavzu №7: Diagrammalar va grafiklar.

Excelда диаграммалар.

Excelда ҳисобланаётган мисолларни кўргазмали тасвирлаб тушунтириш яьни диаграммасини қуриб кўрсатиш, ечилаётган масалаларни яхшироқ тушунишга ёрдам беради.

Excel диаграммасидаги берилганлар қатори бу - асосида ишчи варроқдаги алоҳида қатор ёки алоҳида устун бўлган, диаграммада берилган ўзаро боғланган элементлар гуруҳидир.

Берилганлар маркери бу – варроқдаги берилганларнинг алоҳида элементини ёки катакчанинг қийматини тасвирловчи устунлар, блоклар, нуқталар, секторлар ёки диаграммадаги бошқа символлардир. Боғланган маркерлар диаграммада берилганлар қаторини ташкил қилади.

Агар диаграммада бир нечта берилганлар қатори тасвирланган бўлса, у ҳолда қаторларга мос маркерлар ҳам ҳар хил бўлади.

Ўқлар. Ўқ бу - диаграмма қурилма соҳасининг бир томонини чегараловчи ва берилганларни ўлчаш ва таққослаш шкаласини ҳосил қилувчи чизикдир. Excelда уч ўлчовли диаграммалар (яъни, уч – ўқ билан) қуриш мумкин. Х ўқи асосан горизонтал ҳолатда (чапдан ўнга), У ўқи эса вертикал (пастдан юқорига) бўлади. Уч ўлчовли диаграммаларда Z ўқи вертикал ҳолатда, Х ва У ўқлар эса яхшироқ тасаввур этиш учун ҳар хил бурчаклар остида жойлашган бўлади.