Universal appraisers group

Аналогларини танлашдаги асосий мезон:
-баҳолаш объектига техник ва бошқа параметрларига кўра ўхшаш бўлган энг мос объектини танлаш.
Қайт этилган талабларга мувофиқ 3 та аналоглар танлаб олинади.
Мавжуд маълумотларга таянган ҳолда кўчмас мулкни қиёсий ёндашув асосида баҳолаш учун сотувларни таққослаш усулини татбиқ этиш мақсадга мувофиқ деб топилади.
Қиёслаш давомида баҳоланаётган ва қиёсланаётган объектларнинг техник характеристикалари ва бошқа сифатларидан келиб чиққан ҳолда орада мавжуд бўлган тафовутларни қисман бўлса ҳам бартараф этиб, шартли равишда айнан баҳоланаётган объектга мослаштириш мақсадида тегишли таҳрирлар (тузатмалар) киритилади. Мисол тариқасида,
Мулкий хуқуқларга тузатишлар киритиш.
Мулкий хуқуқларга тузатишларни хисоблаш учун аналог даромаднинг манбалари, тузилиши ва уни ижарага бериш шартлари ҳақида ахборот мавжуд бўлиши лозим (тахрир килиши керак);
Молиялаштириш шартларига қараб тузатишлар киритиш.
Молиялаштириш шартларига қараб тузатишлар киритиш аналог билан битимлар тузишда баҳолаш обьектига нисбатан кредитлаш схемалари ва хақ тўлаш шаклларида фарқлар мавжуд бўлган ҳолда амалга оширилади;
Сотув шартларига караб киритиладиган тузатишлар.
Сотув шартларига қараб киритиладиган тузатишлар харидор ва сотувчи ўзаро муносабатларининг таҳлили асосида аниқланади;
Хариддан кейинги харажатларга тузатишлар киритиш.
Хариддан кейинги харажатларга, масалан, бино ва унинг бир қисмини демонтаж қилиш харажатлари, ер участкасининг ифлосланишини бартараф этиш харажатлари каби харажатлар киради;
Бозор шартларига қараб тузатишлар киритиш.
Бозор шартларига қараб тузатишлар киритиш аналог билан битим тузилган санадан баҳолаш обьектини бахолаш санасига қадар ўтган вақтга қараб сотувларнинг нархларига тузатишлар киритишни назарда тутади;


Аналог жойлашган ерга қараб унинг нархига тузатиш киритиш.
Аналог жойлашган ерга қараб унинг нархига тузатиш киритишни амалга ошириш учун бахоловчи таққосланаётган обьектлар жойлашган ер билан боғлиқ фаркларни аниқлаши ва кучмас мулк обьектининг нархига бу фарқлар қўшган хиссани ҳисоблаши лозим;