Uning salomatligi

80- rasm. Ayolning jinsiy organlari:



1 — tuxumdon; 2 — tuxum yo‘li; 3 — bachadon; 4 — qin; 5 —jinsiy lablar; 6— qovuq (siydik pufagi); 7—tashqi siydik yo‘li; 8 — qov suyagi; 9— to‘g‘ri ichak.

1. 
   Ko‘payish qanday ahamiyatga ega?
   
2. 
   Erkaklarning jinsiy organlari tuzilishini ayting.
   
3. 
   Ayollar jinsiy organlari tuzilishini tushuntiring.
   
4. 
   Hayz ko‘rish nima?
   

44. 
    §. Urug‘lanish va homilaning rivojlanishi
    

Odamning hayoti ona organizmida ikkita jinsiy hujayraning, ya’ni tuxum hujayra bilan spermatozoidning qo‘shilishidan bosh- lanadi. Bu ikki hujayraning qo‘shilishidan bitta yangi hujayra, ya’ni yangi organizm paydo bo‘ladi.
Ayol va erkak jinsiy hujayralarining har birida 23 tadan xro- mosoma bo‘lib, ularning 22 tasi ota va ona organizmining irsiy belgilarini bolaga o‘tkazadi.
Bunyod bo‘lgan bolaning jinsi ayol va erkak jinsiy hujayralarining 23- xromosomasiga bog‘liq. Ayol jinsiy hujayrasidagi 23- xromosoma iks (X) bo‘lib, erkak jinsiy hujayrasidagi 23- xromosoma iks yoki igrek (X yoki Y) bo‘ladi. Iks xromosomali erkak jinsiy hujayra (spermatozoid) ayol jinsiy hujayrasi (tuxumi) bilan qo‘shilsa, homila qiz bo‘ladi. Y xromosoma erkak jinsiy hujayra (spermatozoid) ayol jinsiy hujayrasi (tuxumi) bilan qo‘shilsa, homila o‘g‘ilbo‘ladi.