Ҳунарманд уюшмаси

Муаммонинг ўрганилганлик даражаси. Ўзбекистон Республикаси Президенти асарларидаги миллий ҳунармандчилик уюшмалари фаолиятининг самарадорлигини ошириш, бундай ташкилотларнинг ролини кучайтириш ва ижтимоий ҳимоя тизимини такомиллаштиришга оид фикрлари, Ўзбекистон Республикасини янада ривожлантириш бўйича Тараққиёт стратегиясидаги ижтимоий соҳани ривожлантиришга оид концептуал ғоялар мазкур тадқиқотга илмий-методологик асос бўлиб хизмат қилди.
Юқорида қайд этилган масала моҳиятидан келиб чиқиб, мавзунинг ўрганилганлик даражасини икки қисмга ажратиш мумкин:
1. Ўрта асрларда яратилган адабиётлар.
2. Мустақиллик йилларида амалга оширилган тадқиқотлар ва миллий ҳунармандчиликни ривожлантиришнинг ҳуқуқий асослари.
Ўзбекистон халқларининг бой маданий мероси ва тарихий анъаналарини тўлиқ сақлаб қолиш ва кўпайтириш, миллий ҳунармандчилик, халқ бадиий ва амалий санъатини янада ривожлантириш, ҳунармандчилик фаолияти билан шуғулланувчи фуқароларни ҳар томонлама кўллаб-қувватлаш бўйича мақсадли ва комплекс чора тадбирларни амалга ошириш, шу асосда аҳоли, айниқса ёшлар, аёллар ва кам таъминланган оилалар бандлигини таъминлаш масалалари алоҳида ажралиб туради.
Тадқиқотнинг мақсади. Ўзбекистонда фаолият олиб бораётган миллий ҳунармандчилик мактаблари, улар томондан амалга оширилаётган илмий лойиҳалар ва давлат ташкилотлари билан ҳамкорлик механизмларини ўрнини очиб беришдан иборат.
Тадқиқотнинг вазифалари:
Мустақиллик йилларида Ўзбекистон миллий ҳунармандчилигини ривожлантиришнинг ҳуқуқий асосларини яратилиши тадқиқ қилиш;
Ўзбекистон Республикасида миллий ҳунармандчиликни ривожлантиришга қаратилган давлат сиёсатини таҳлил қилиш;
Республикада миллий ҳунармандчилик тараққиётини очиб бериш;
“Ҳунарманд уюшмаси”нинг ташкил топиши ва унинг фаолиятини тўлиқ очиб бериш;
“Ҳунарманд уюшмаси”нинг миллий ҳунармандчилик тараққиётида ўрнини таҳлил қилиш.
Тадқиқотнинг объектини мустақиллик йилларида Ўзбекистон миллий ҳунармандчилигини ривожлантириш ташкил қилади.
Тадқиқотнинг предмети қилиб Республикада фаолият олиб бораётган миллий ҳунармандчилик мактаблари, улар томондан амалга оширилаётган илмий лойиҳалар ва давлат ташкилотлари билан ҳамкорлик механизмларини ўрганиш методлари ва воситалари белгиланган.
Тадқиқотнинг усуллари. Диссертацияда тарихийлик, тизимлилик, қиёсий таҳлил ва муаммовий-хронологик усулларидан фойдаланилди.