Umurtqalilar zoologiyasi

Dumsizlar  (Ecaudata)  turkumi
Suvda  ham  quruqlikda  yashovchilaming  dumsizlar  turku­
miga  kiradigan  vakillarining  tanasi  serbar,  kalta  va  yalpoq 
bo'lib,  dumi  bo'lmaydi.  Oldingi  oyoqlari kalta,  keyingi oyo­
qlari uzun va sakrashga moslashgan. Lichinkalari (itbaliq)ning 
tanasi yu-maloq  yoki oval  shaklda bo'lib,  dumi uzun va yon 
tomonidan qisilgan.
O'zbekistonda suvda ham quruqlikda yashovchilar sinfi dum­
sizlar turkumining  ikkita  oilasi  vakillari  uchraydi.
Dumsizlar  turkumining  oilalarini  aniqlash  jadvali
1  (2)  Tilining  orqa  uchi  kesilmagan.  Yuqorigi jag'ida tish­
lari  yo'q.
Qurbaqalar —  Bufonidae
2  (1)  Tilining  orqa  uchi  ayri,  ikkiga  bo'lingan.  Yuqorigi 
jag'ida  tishlari bor.
Baqalar —  Ranidae
Qurbaqalar  (Bufonidae)  oilasi
Tanasi  serbar  va  kalta,  keyingi  oyoqlari  ancha  yo'g'on,
www.ziyouz.com kutubxonasi

---

boshi yalpoq bo‘ladi. Terisida bo‘rtmalari bor. Ko'z qorachig'i 
gorizontal  yoriq  shaklida.  Keyingi  oyoqlarining  barmoqlari 
orasida  suzgich pardasi yo'q.  Tishi bo'lmaydi.
O'zbekistonda bu oilaning qurbaqalar urug'i  —  Bufo Laur. 
va yashil  qurbaqa  —  Bufo viridis  Laur.  turi yashaydi.
Baqalar  (Ranidae)  oilasi
Keyingi  oyoqlari  oldingisiga  nisbatan  uzun  va  baquwat 
bo'ladi. Oldingi oyoqlarining barmoqlari orasida suzgich parda­
si bo'lmaydi.  Yuqorigi jag'ida  tishlari bo'ladi.
O'zbekistonda  bu  oilaning  bittagina  baqalar urug'i  (Rana 
L.)  va ko'l  baqasi  —  Rana ridibunda  Pallas  turi yashaydi.