Umurtqalararo yoki spinal nerv tugunlari ccanclia spinaliaj periferik nervlar

Periferik nervlar

Periferik nervlar yoki nerv o’zaklari nerv tolalaridan iborat. Ularning ba’zilarida mielinli nerv tolalarining, boshqalarida esa aksincha mielinsiz nerv tolalarining miqdori ko’p bo’lishi mumkin.

Ba’zi bir nervlarning o’rab turuvchi qobig’ida alohida hujayralar uchraydi. Ayrim nerv tolalari o’zlarining yo’nalishi bo’yicha ingichka shoxchalarga tarmoqlanishi mumkin. Nerv o’zaklari eng tashqi tomondan yog’ hujayralari va qon tomirlariga boy bo’lgan biriktiruvchi to’qimali parda - epinevriy bilan qoplangan. Har bir nerv o’zagi 2-6 nerv tolalar tutamlaridan iborat. Nerv tolalarini o’z navbatida qatlam joylashgan hujay-ralar qavatidan va ingichka fibrillalardan iborat zich birik-tiruvchi to’qimali parda - perinevriy o’raydi. Nerv tolalarining orasiga kirib boradigan biriktiruvchi to’qimaning ingichka qatlamlari esa endonevriy deb ataladi.

Nerv o’zaklarini o’rab turuvchi parda limfa, qon tomirlar va nerv oxirlari bilan yaxshi ta’minlangan. Qon tomirlar epinev-riy orqali kirib, nerv o’zagining barcha qavatlarida zich to’r hosil qiladi.