Умумтаълим муассасаларида умумтаълим фанлари бўйича билимлар беллашувини ташкил этиш ҳамда ҳудудий халқ таълими бошқарув идоралари ва таълим муассасалари рейтингини аниқлаш тўғрисида Бухоро – 2014 йил

Беллашувда синфнинг терма жамоаси иштироки

• Фан ўқитувчиси сентябрь-декабрь ойларида ҳар бир дарсда ўрганилаётган мавзунинг асосий таянч тушунчасига оид топшириқ беллашувда берилиши мумкинлигини таъкидлайди ҳамда ўқувчиларнинг фанларга бўлган қизиқишлари ва қобилиятларини турли усуллар билан ривожлантириб боради.
• Дарсдан ташқари турли машғулотлар жараёнида ҳам ўқувчиларнинг хоҳиш ва қизиқишларига қараб беллашувларга тайёрлаб боради.
• Декабрь ойининг охирида ҳар бир фан ўқитувчиси ўзи дарс бераётган синфдаги ўқувчиларни фанлар бўйича билимлар беллашуви ўтаётганлигидан хабардор қилади. Синфдаги ўқувчилар билан биргаликда, ўзи дарс бераётган фандан энг билимдон ўқувчилардан иборат синф терма жамоасини (2-3 нафар ўқувчидан иборат) шакллантиради. Беллашувда синфнинг терма жамоаси иштирок этади.

• Билимлар беллашувининг биринчи босқичи Халқ таълими муассасалари фаолиятини методик таъминлаш ва ташкил этиш туман (шаҳар) бўлимларининг умумий раҳбарлиги ва назорати остида ўтказилади.
• Таълим муассасалари ўз буйруқлари билан ташкилий қўмиталар, ҳакамлар ҳайъатлари, апелляция комиссияларини ташкил этадилар. Фанлар бўйича мутахассислар етишмаса ҳакамлар ҳайъати таркибига ўша ҳудудда жойлашган қўшни мактаб ўқитувчилари ҳам жалб этилиши мумкин. Мактаб директори ташкилий қўмитага раислик қилади.
• Ташкилий қўмита декабрь ойи давомида беллашув топшириқларини кўп вариантлик асосида тайёрлашни ташкил этади. Ташкилий қўмита томонидан беллашувнинг ўтказилиш режаси ва бошланиш вақти белгиланади.

• Билимлар беллашувининг биринчи босқичини ўтказишга тайёргарлик кўриш

• Беллашув вақти тугаганидан сўнг назоратчи ўқитувчи ўқувчиларнинг ишларини йиғиб олади ва шифрлаб, жилди олинган ҳолда ҳакамлар ҳайъати раисига топширади.
• Ҳакамлар ҳайъати беллашув ўтказилгандан сўнг ўқувчилар томонидан бажарилган ишларни текширади ва натижаларини шу куннинг ўзида эълон қилади.
• Агарда ўқувчилар ўз натижаларидан норози бўлса, у ҳолда ҳакамлар ҳайъати ўқувчи томонидан бажарилган ишлар натижаларини ўқувчига дўстона муносабатда тушунтириб беради.
• Биринчи босқичда ғолиб деб топилган ўқувчилар иккинчи (туман, шаҳар) босқичида қатнашиши тўғрисида иштирокчиларнинг фанлар бўйича кўрсаткичлари (1.1-, 1.2-жадваллар, жумладан, электрон шакллари) Халқ таълими муассасалари фаолиятини методик таъминлаш ва ташкил этиш туман (шаҳар) бўлимларига тақдим этилади.

• Билимлар беллашувининг биринчи босқичини ўтказиш