Умумтаълим мактабларининг кимё ўҚув-лаборатория хонаси

3. Кимё ўқув-лаборатория хоналаридаги ўқув жиҳозлари ва ўқувлаборатория асбоб-ускуналаридан самарали фойдаланиш ва уларни сақлашга қўйилган талаблар:

• 3.1. Кимё фанига таалуқли бўлган ўқув режа ва дастурга мувофиқ мавжуд жиҳозлардан фойдаланган ҳолда назарий ва амалий машғулотларни ташкил этиш;
• 3.2. Кимё ўқув-лаборатория хонасига етказилган ва мавжуд барча жиҳозлардан ўқув дастури асосида белгиланган мавзу бўйича амалий, лаборатория, кўргазмали тажриба намойишларини жиҳозлардан оптимал фойдаланилган ҳолда ташкил этиш талаб этилади.
• 3.3. Ўқув-лаборатория хонасини амалий машғулот ўтказилганда 2-3 марта ҳавосини алмаштириш керак. Заҳарли, учувчан моддалар билан ишлаб бўлгандан сўнг тезликда идишлар оғзи тиқинлар билан зич беркитилиши ва парафинлаб қўйилиши лозим.
• 3.4. Қуруқ моддалар солинган идишлар шкаф токчаларига фақат оғзи беркитилган ҳолда қўйилади. Ўқув-лаборатория жиҳозлари-шиша идишлар, асбоблар шундай жойлаштириш керакки, ҳар бир жиҳоз ўқув йили давомида режа асосида фойдаланиш муддатини эътиборга олинган ҳолда сақланади.
• 3.5. Шиша ва полипропилен идишлар (колбалар, стаканлар, мензуркалар), катта-кичиклигига, тури ҳамда ишлатиш кетма-кетлиги ва олиб туриш, фойдаланиш учун қулай бўлган ҳолда доимий аниқ жойда жойлаштирилиши талаб этилади.
• 3.6. Кимёвий моддалар синфларига қараб (оксидлар, асослар, кислоталар, тузлар, эфирлар, альдегидлар, кетонлар, азотли органик моддалар алоҳида-алоҳида жойлаштирилади). Ҳар бир токчада чапдан ўнгга қараб аввал металлар, сўнгра оксидлар, асослар, булардан кейин хлорид, бромид, иодид, фторид, сульфид, сульфит, сульфат, нитрат, нитрит, фосфат, карбонат, силикат ва бошқа тузлар қўйилади. (Кейинги қаторлар ҳам шу тартибда жойлаштирилади.)
• 3.7. Суюқ, учувчан моддалар, концентрланган кислоталар ва эритмаларни қуруқ моддалар билан бир токчада сақлаш мумкин эмас.
• 3.8. Ўқув-лаборатория хонасида ёнувчан моддалар кўп миқдорда сақлаш мумкин эмас. Натрий металини фақат керосин солинган идишларда сақлаш талаб этилади.