Умумтаълим мактабларининг кимё ўҚув-лаборатория хонаси

1.17. Кимё синф хонаси учун камида 5 та секциялик, шундан 3 таси очиқ, 2таси эса эшикли секциядан иборат 4 та шкаф ва лаборатория хонаси учун эса 1 та темир(5 секцияли барча секциялари ёпиқ) ва 2 та махсус шкаф бўлиши лозим.

• 1.17. Кимё синф хонаси учун камида 5 та секциялик, шундан 3 таси очиқ, 2таси эса эшикли секциядан иборат 4 та шкаф ва лаборатория хонаси учун эса 1 та темир(5 секцияли барча секциялари ёпиқ) ва 2 та махсус шкаф бўлиши лозим.
• 1.18. Кимё хонаси учун берилган (4 та) шкафлар синф хонасининг орқа томонига жойлаштирилади ва унга коллекциялар тўплами, ўқув-кўргазмали қуроллар, дарсликлар ва ўқув методик адабиётлар ўқувчилар томонидан тайёрланган материаллар кабилар қўйилади.
• 1.19. Темир ва 2 та махсус шкафлар лаборатория хонасига жойлаштирилади.
• 1.20. Темир шкаф ичига фақатгина ўқувчилар учун зарарли хиди тез тарқалувчан (ўткир) қоронғу шароитда сақланадиган кимёвий моддалар сақланади.
• 1.21. 2 та махсус шкафларда зарарсиз бўлган кимёвий моддалар, лаборатория ва амалий машғулотларда фойдаланиладиган асбоб-ускуналар сақланади.
• 1.22. Ўқув-лаборатория хонасидаги махсус шкафларда сақланаётган кимёвий моддалар тартиб билан инвентар рақамлари асосида жойлаштирилади ҳамда уларни рўйхати тузилиб, шкаф эшигининг ички тарафига илинади.
• 1.23. Темир шкафлардаги кимёвий моддалар классификация (моддалар синфланиши бўйича) асосида тартиб билан жойлаштирилиб, уларнинг рўйхати темир шкаф эшигининг ички деворига илинади.
• 1.24. Ўқув-лаборатория хонасида доимий равишда кимёвий элементларнинг даврий системаси, кимёвий моддаларнинг эрувчанлик жадвали ва металларнинг фаоллик қатори жадваллари бўлиши лозим.
• 1.25. Ўқув-лаборатория хонасининг доскага қарама-қарши томонидаги деворга кимё фанининг ривожланишига хисса қўшган йирик олимлар (3-5 та) портрети ва уларнинг фаолиятига доир қисқача тариф берилган ҳолда илиниши тавсия этилади.

2. Кимё ўқув-лаборатория хонаси масъул ўқитувчиси ва лаборантга қўйилган талаблар:

• 2.1. Таълим муассасаларининг раҳбарлари буйруғи билан кимё ўқув-лаборатория хонаси учун олинган мебель, жиҳоз ва ўқув лаборатория асбоб-ускуналарини сақланиши, соз ҳолда тутилиши ва улардан самарали фойдаланиш учун жавобгар шахслар тайинланади.
• 2.2. Кимё ўқув-лаборатория хонаси бўйича белгиланган меъёрий ҳужжатларга асосан умумтаълим мактабига (рўйхатларда) етказиб берилган ҳамда мавжуд жиҳозлар ва ўқув-лаборатория асбоб-ускуналарини мактабнинг ички буйруғи билан 1-шаклдаги кирим-чиқим далолатномаси асосида қабул қилиб олади:
• 2.3. Таълим муассасининг буйруғи билан далолатнома (1-шакл)га асосан қабул қилиб олган ўқитувчи ва лаборант кимё фани бўйича белгиланган мазкур ўқув-лаборатория хонасини тўғри жиҳозланиши, уларни сақлаш ҳамда самарали фойдаланиш ва ҳисоб-китобини олиб бориш, ўрнини қайта тўлдириш учун масъулдир (мазкур белгиланган талаблар асосида).
• 2.4. Кимё ўқув-лаборатория хонасига ажратилган барча мебель, жиҳозлар ва лаборатория асбоб-ускуналарни тартиб билан рақамланишини (инвентар рақами) таъминлайди.
• 2.5. Ўқитувчи ва лаборант кимё ўқув-лаборатория хонаси учун ажратилган ўқув-лаборатория асбоб-ускуналарини техник паспорти асосида доимий ишчи ҳолатига келтириш учун масъулдирлар.
• 2.6. Ўқитувчи ва ўқувчилар амалий ва лаборатория машғулотларини бажариш жараёнида оқ ёки ҳаво рангдаги халатда бўлишлари талаб этилади.
• 2.7. Ўқитувчи ва лаборант томонидан амалий лаборатория машғулотларига тайёргарлик кўриш ва ўтказиш учун кимё лаборатория хонасида оқ ёки кўк рангдаги халат доимий равишда тайёр бўлиши лозим.
• 2.8. Лаборантнинг кимё фан хонасида халатсиз юриши ва ўқитувчининг амалий машғулотларни халатсиз ўтказиши қатиян ман этилади.
• 2.9. Жиҳозлар, ўқув-лаборатория асбоб-ускуналари, кимёвий моддалар номлари ёзилган маълумотлар дафтари тутади ва унга синф хонасидаги барча жиҳозларнинг номларини инвентар рақамлари билан мос ҳолда тартиб асосида ёзади ҳамда шу рўйхат асосида назорат олиб боради