Умумтаълим мактабларида кийиниш маданиятига риоя этмайдиган ўқувчиларнинг ота-оналарига жавоб беришда фойдаланиш учун

Умумтаълим мактабларида кийиниш маданиятига риоя этмайдиган ўқувчиларнинг ота-оналарига жавоб беришда фойдаланиш учун
Аввалам бор, Ўзбекистон Республикасининг “Таълим тўғрисида”ги Қонунининг 49-моддасида Таълим ташкилотларида таълим олувчиларнинг кийим-бошига доир талаблар Ўзбекистон Республикаси Вазирлар Маҳкамаси томонидан белгиланиши келтириб ўтилганлигини маълум қиламиз.
Мазкур тартибга мувофиқ Ўзбекистон Республикаси Вазирлар Маҳкамасининг 2018 йил 15 августда “Давлат умумий ўрта таълим муассасалари ўқувчиларини замонавий мактаб формаси билан таъминлаш чора-тадбирлари тўғрисида”ги 666-сон қарори қабул қилинган.
Ушбу қарор билан тасдиқланган “Давлат умумий ўрта таълим муассасалари ўқувчилари учун замонавий ягона мактаб формасини жорий этиш тартиби тўғрисида”ги низомнинг 7-бандига мувофиқ ўқувчилар таълим муассасаси биноси ичида бош кийимсиз юришлари лозим (таълим муассасасида ўтказиладиган турли тадбирлар жараёни бундан мустасно).
Бундан ташқари, Ўзбекистон Республикасининг “Таълим тўғрисида”ги Қонунининг 48-моддасига асосан Таълим олувчилар таълим муассасасининг устав (таъсис ҳужжати) талабларига, ички тартиб-қоидаларига, вақтинча яшаш жойлари қоидаларига ва таълим фаолиятини ташкил этиш ҳамда амалга оширишга оид бошқа ички ҳужжатлар талабларига риоя этишлари белгиланган.
Шу муносабат билан Халқ таълими вазирлигининг 2020 йил 28 май “Умумий ўрта таълим муассасасининг ички тартиб ва одоб-ахлоқ қоидаларини тасдиқлаш тўғрисида” 131-сонли буйруғи билан қабул қилинган бўлиб, ички тартиб ва одоб-ахлоқ қоидаларини 8-бандига мувофиқ ўқувчилар таълим муассасасига белгиланган мактаб формасида келишлари лозимлиги белгилаб қўйилганлигини маълум қиламиз.