Umumiy savollar

O’quv fanining maqsad va vazifalari

Fannni o`qitishdan maqsad talabalarga amaliy san'atning asosi bo`lgan naqqoshlik bo`yicha nazariy bilim va amaliy ko`nikmalar berishdan iborat.

Amaliy san'at fanining asosiy vazifasi:

• 
  O`zbek xalq amaliy san'ati va uning turlari, naqqoshlik san'ati tarixi, naqqoshlik san'ati maktablari va namoyondalari, uning ravnaqi bilan tanishtirish;
  
• 
  naqqoshlikda ishlatiladigan ashyolar va asbob-uskunalar, ularni ishga tayyorlashni o`rgatish, ustaxonalarda texnika xavfsizligi, yong`indan saqlanish qoidalari bilan tanishtirish;
  
• 
  talabalarni mashg`ulotlar davomida xalq ustalari ijodiga mansub naqsh kompozitsiyalarini tahlil qilishga o`rgatish, ulardan nusha ko`chirish, naqsh turlari bilan ishlash orqali mustaqil ijod qilish malakalarini shakllantirishdan iborat;
  
• 
  talabalarga islimiy va girih naqsh kompozitsiyalarini mukammal tuzish, ranglash, pardozlashni o`rgatish;
  
• 
  talabalarga turli shakldagi hajmli buyumlarni naqshlashni o`rgatish, shu bilan birga ranglarni mos keladigan qilib tanlash, turli ashyolarga badiiy ishlov berish usullarini o`rgatish.
  
• 
  talabalarga naqqoshlik san'atini o`rgatishda zamonaviy texnologiyalardan foydalanish;
  
• 
  naqqoshlik san'ati darslari orqali amaliy san'atining go`zalligi, falsafiy, ruhiy va tarbiyaviy qirralari bilan tanishtirish.
  

Badiiy bezak fanining asosiy vazifasi:
Fanni o’tishdan maqsad - talabalarni badiiy bezak san’ati orqali estetik didlarini shakllantish, san’at asarlarini tushunish va qadriga etishni o’rgatish, mehnatga hurmat va muhabbat ruhida tarbiyalash, badiiy mehnatning bilim, ko’nikma va malakalarini shakllantirish.
Fanning vazifasi - talabalarga badiiy bezak ishlarini tashkil qilish, uning mazmuni, bezash usullari, ularga qo’yiladigan talablar bilan tanishtirish. Badiiy bezak turlari, ishlatiladigan bo’yoqlar, asbob uskunalar va harflarning oddiy shakl tuzilishi qoidalaridan boshlab, murakkab yozuvli (shriftli) plakat kompozitsiyalarini o’rganishdan iborat.