Umumiy qoidalar

KIRISH


Assalomu alaykum, hurmatli o‘quvchi! Bu kitob sizning qo‘lingizda ekan, demak, siz ham zamonamizning ilg’or, intiluvchan, ilmga chanqoq va o‘z oldiga maqsad qo‘yib olgan kelajagi porloq yoshlardansiz. Barchamizning xabarimiz bor, bugungi kunda Ingliz tilini o‘rganish juda ham ommalashib ulgirdi. Chet elda o‘qimoqchi bo‘lsangiz, hattoki o‘z yurtimizdagi oliy o‘quv yurtlariga kirishda ham Ingliz tili sizga barcha eshiklar kalitini tutqazyabdi. Biznes qilmoqchisiz, chet eldan qandaydir uskuna olib kelmoqchisiz, yoki aytaylik bugungi kundagi eng qimmat kasblardan biri kompyuter texnologiyasi sohasida mutaxassis bo‘lmoqchisiz, bularning hammasi uchun Ingliz tili kerak bo‘lmoqda. Kimningdir vaqt, kimningdir moddiy va yoki boshqa sabablar tufayli Ingliz tilini o‘rganish uchun o‘quv darslariga borishga imkoni bo‘lmayotgandir. Boshqa birovlarda esa boshqa muammolar ham bor. Ular o‘quv darslariga borishadi, til o‘rganishga vaqt ajratadi, lekin muammo shuki, natija yo‘q. An’anaviy darslardan zerikdingiz, til o‘rgana olmayabsiz. Ham sarmoyangiz, ham qimmatli vaqtingiz ketayabdi. Shuning uchun, biz ushbu muammolarning yechimini topdik. Qo‘lingizdagi ushbu kitob sizga o‘z maqsadingizga erishishda samarali yordam beradi deb ishontirib ayta olamiz. Ushbu kitob sizga hech qanday grammatik qoidalarsiz, so‘z yodlashlarsiz shunchaki tinglab, kuzatib va berilgan mashg’ulotlarni bajarganingiz holda Ingliz tilini 6 oy davomida o‘rganishingizga yordam bera oladi.



UMUMIY QOIDALAR



HAR BIR DARS ICHIDAGI MASHQALARNI MUNTAZAM BAJARIB BORING.

HAR BIR DARSLIKNI BIR HAFTA DAVOMIDA KUNIGA 1 SOATDAN TINGLAB KUZATING.



DARSLARNI MUNDARIJA DAVOMIYLIGI BO’YICHA O’RGANIB BORING. HOHLAGAN DARSINGIZDAN BOSHLAB YOKI DAVOM ETTIRIB YURMANG.

DARSNI BOSHLAGANINGIZDA SIZNI CHALG’ITUVCHI OMILLAR BO’LMASLIGI KERA.



DARSLIKLARGA MO’LJALLANGAN VIDEODARSLIKLARNI HAM UZLUKSIZ KO’RIB BORING.