Umumiy psixologiya kafedrasi eksperimental psixologiya

 
 
8-mavzu. Verbal-kommuiikativ metodlar 
Reja: 
 
1.  Suxbat metodi. Suxbat metodining umumiy xarakteristika .  
2.  So’rov metodi. So’rov o’tkazish tasniflari.  
3.  Anketa So’rovi. Anketa ko’rinishlari va ularning tavsifi.  
 
4.  IntervYu usuli.. IntervYu o’tkazish jarayonlari.  
 
Tayanch  tushunchalari:  intervYu,  anketa,  test,  suhbat,  so’rov,    kontent-analiz,  ochiq 
anketalar,yopiq anketalar, So‘roq metodlari 
 
 
Suxbat  metodi. Suhbat  metodi.  Suhbat  —  bevosita  muloqot  jarayonida  shaxsning    psixik 
xususiyatlarini  aniqlash  metodikasi  bo‘lib,  suhbat  o’tkazuvchi  oldindan  tayyorlab  qo‘ygan  savol 
asosida o‘zi uchun kerakli bo‘lgan informatsiyani olish imkoniga ega. Suhbat metodikasi yordamida 
inson  xarakteri  xususiyatlari,  xatti-harakati  motivlari,  hayotining  turli  tomonlariga  uning  bahosi, 
biografiyasining  asosiy  faktlari  va  unga  bo‘lgan  munosabatlarni  aniqlash  mumkin.  Suhbat  metodi 
ma’lum qoidalarga asoslanishi lozim.  
1. Suhbat tasodifiy emas, rejali bo‘lishi kerak.  
2. Suhbat boshida o‘quvchi qiziqadigan mavzuda gaplashish kerak.  
3. Suhbat boshlanishida biografik xarakterdagi savollar berilmasligi kerak.  
4.  Savollar  tushunarli,  yosh  xususiyatlarini  hisobga  olgan  holda  berilishi  kerak.  Suhbat  metodining 
ijobiy  tomoni  —  o‘quvchi  bilan  bevosita  muloqotda  bo‘lish,  uning  reaksiyalarini  hisobga  olish 
imkoni, qo‘shimcha, to‘ldiruvchi savollar berilishi mumkinligidir. Shuni ham nazarda tutish kerakki, 
suhbatdan  biz  obyektiv  fakt  emas,  balki  kishining  subyektiv  fikrini  olamiz  Bu  metod  tadqiqotning 
turli  bosqichlarida  qo’llaniladi:  masalan,  dastlabki  tanishish  bosqichida  ham  boshqa  metodlar, 
ayniqsa,  kuzatish  metodi  orqali  qo’lga  kiritilgan  xulosalarni  aniqlashda  qo’llaniladi.  Suxbat 
metodidan moxirlik bilan foydalanish juda qimmatli natijalarga erishishga yordam berishi mumkin.