Umumiy psixologiya” fanidan o`quv- uslubiy majmua ta`lim yo`nalishi: Barcha ta`lim yo`nalishlari uchun

1.Iroda haqida tushuncha.

Kishining o`z ehtiyojlarini anglab yoki beixtiyor harakatlar vositasida qondirishi mumkin. Irodaviy harakatlar murakkabligi bo`yicha farqlanadi. Irodaviy harakatlar oddiy va murakkab bo`ladi.

Iroda - bu kishining o`z oldiga qo`yilgan maqsadlarga erishishda qiyinchiliklarni engib o`tishga qaratilgan faoliyati va xulq-atvorini ongli ravishda tashkil qilishi va o`z-o`zini boshqarishi demakdir.

Iroda - bu shaxs faolligining alohida shaklidir.

Iroda o`zaro bog`liq ikkita vazifani - undovchi va tormozlovchi (to`xtatuvchi) vazifalarning bajarilishini ta’minlaydi va ularda o`zini namoyon qiladi.

Undovchi vazifasi kishining faolligi bilan ta’minlanadi.Irodaning undovchi vazifasi faollikning yoqimsiz ko`rinishlarini jilovlashda namoyon bo`ladi. Tormozlash bo`lmaganda xulq-atvorni boshqarish bo`lmas edi.

Kishining harakatga undovchi mayllari ma’lum bir yo`lga solingan tizimni-oziq-ovqatga, kiyim-kechakka, issiq va sovuqdan saqlanish ehtiyojidan tortib to ma’naviy, estetik va intellektual his-tuyg`ularni boshidan kechirish bilan bog`liq yuksak niyatlarga borib taqaladigan motivlar ierarxiyasini (pog`onasini) tashkil etadi.