Umumiy psixologiya fanidan o’quv – uslubiy majmua buxoro 2014

O’ZBEKISTON RESPUBLIKASI OLIY VA O’RTA MAXSUS
TA’LIM VAZIRLIGI
BUXORO MUHANDISLIK-TEXNOLOGIYA INSTITUTI

“Tasdiqlayman”

BuxMTI
O’quv ishlari bo’yicha prorektor _________ prof. Olimov Q.T.

UMUMIY PSIXOLOGIYA
FANIDAN
O’QUV – USLUBIY MAJMUA

BUXORO - 2014
Fanning o’quv uslubiy majmuasi o’quv dasturiga muvofiq ishlab chiqilgan va BuxMTI o’quv uslubiy kengashida muhokama etilib, foydalanishga tavsiya qilingan (Bayon №__ 2013 yil ____ ____________)


Tuzuvchilar:
Mavlonov J.X.- BuxMTI, “Ijtimoiy fanlar” kafedrasi katta o’qituvchisi.

Tagirova N.V.- BuxMTI, “Ijtimoiy fanlar” kafedrasi katta o’qituvchisi.

Taqrizchilar:
Jumaev U.S. - BuxDU , “Psixologiya va sotsiologiya” kafedrasi mudiri, ps.f.n.

Olimov Sh.Sh. - BuxMTI, “Ijtimoiy fanlar” kafedrasi professori.

Fanning o’quv-uslubiy majmuasi “Ijtimoiy fanlar” kafedrasining 2013-yil “__” _________ dagi “__” son yig’ilishida muhokamadan o’tgan va fakultet kengashida ko’rib chiqish uchun tavsiya etilgan.

Kafedra mudiri: dots. G‘afforov A.X.

Fanning o’quv uslubiy majmuasi “Elektrotexnika va ishlab chiqarishda AKT” fakultetining 2013-yil “__” _________ dagi “__” son yig’ilishida muhokamadan o’tgan va institut o’quv-uslubiy kengashida muhokama qilish uchun tavsiya etilgan.

Kengash raisi: dots. Saidmurodov O‘.A.


Kelishildi:
O’quv-uslubiy boshqarma boshlig’i Hodjiev Sh.
1. KIRISH.
O‘zbekiston Respublikasining Prezidenti I. A. Karimov milliy istiqlol mafkurasini shakllantirish ishining hayotiy zarurati va dolzarbligi haqida gapirar ekanlar, «Inson shaxsini, uning yuksak ma’naviy fazilatlarini kamol toptirish, milliy istiqlol mafkurasini shakllantirish, yosh avlodni boy madaniy merosimiz hamda tarixiy qadriyatlarimizga hurmat-e’tibor, mustaqil Vatanimizga mehr-muhabbat ruhida tarbiyalash talablari oldimizga muhim vazifalarni qo‘ymoqda» deb alohida ta’kidlaydilar.
Jamiyatimizning oldida turgan bu vazifalar, birinchi navbatda kelajakning bunyodkorlari bo‘lmish yosh avlodning bilim olish, yuqori malakali kadrlar bo‘lib o‘z yurti va xalqiga sitqidildan mehnat qilish, ozod yurt ravnaqi va baxt-saodati uchun halol mehnat qilishga o‘rgatishni nazarda tutadi.
Psixologiya fani zamonaviy, yangicha tafakkur egalari bo‘lgan kadrlarni tayyorlashda muhim o‘ringa ega. Chunki zamonaviy kadrlar oldiga qo‘yilayotgan eng muhim vazifalardan biri — malakali mutaxassislar sifatida o‘zligini, o‘z qobiliyatlari, individualligi, shaxsiy fazilat hamda xislatlarini bilgan tarzda atrofidagilar mehnatini oqilona tashkil etish va ijtimoiy foydali mehnatning barcha sohalarida iqtidorli kasb sohibi sifatida faoliyat ko‘rsatishdir.
Bu o‘rinda inson ruhiyati qonuniyatlarini o‘rganuvchi psixologiya fanining o‘rni va roli benihoya kattadir. Yosh avlodni yangicha ta’lim standartlari asosida, jahon talablariga javob beruvchi mutaxassislar qilib tarbiyalash ishi oliy o‘quv yurtlarida tahsil olayotgan yoshlar uchun yangi darsliklar, o‘quv qo‘llanmalari, risolalar tayyorlashning ham yangicha uslublarini talab etmoqda.
Ushbu majmua yoshlarga aynan psixologik bilimlar asoslarini beradi va o‘z atrofida ro‘y berayotgan islohotlarga xolis baho berish, o‘zi va o‘zgalar ruhiyati sir-asrorlariga befarq bo‘lmaslik, o‘z layoqatlarini o‘stirishning, muloqot, samarali usularini bilish va qo‘llash qonuniyatlari va vositalaridan boxabar bo‘lishga yordam beradi.
Ushbu majmuada bakalavriatning kasbiy ta’lim yo‘nalishida ta’lim olayotgan talabalar uchun “Umumiy psixologiya” fanidan o’quv-uslubiy ma’lumotlar berilgan bo’lib, uni o’zlashtirish davomida talabalar o’zlari uchun zaruriy nazariy ma’lumotlarni oladilar va amaliy, laboratoriya mashg’ulotlari va mustaqil topshiriqlarni bajarib, amaliy ko’nikmalar hosil qiladilar. Bu esa ularga kelgusida yetuk kadrlar bo’lib yetishishiga ko’maklashadi.