Umumiy pedagogika kafedrasi d. A. Axatova boshlang

Tuzuvchi muallif: Axatova Durdona Aktamovna
OLIY TA’LIMNING
140000 -“O’qituvchilar tayyorlash va pedagogika fani”ta’lim sohasi
5141600 – Boshlang’ich ta’lim va sport − tarbiyaviy ish bakalavriat yo’nalishi 4 kurs talabalari uchun

(Ma’ruzalar matni NavDPI Pedagogika kafedrasining 2009 yil 28- avgustdagi №1 yig’ilishida muhokama qilingan )

KIRISH

Ilm-fan, texnika ishlab chiqarish hamda texnologiya sohalarida erishilayotgan yutuqlar uzluksiz ta’lim tizimining barcha bosqichlarida faoliyat yuritayotgan ta’lim muassasalari uchun yangi avlod darsliklarini yaratishni taqozo etmoqda. Bu kabi o’quv manbalarining yaratilishiga qo’yilayotgan talablardan eng muhimi – ularning mazmunida mavjud ilmiy bilimlar o’z ifodasini topibgina qolmay, shu bilan birga O’zbekiston Respublikasida ta’lim sohasida olib borilayotgan davlat siyosatining mohiyati ham ochib berish sanaladi.

Pedagogika oliy o’quv yurtlari uchun mo’ljallangan ma’ruza matni amaldagi o’quv dasturida ilgari surilgan talablarga muvofiq yaratildi. Ma’ruza matnining maqsadi – boshlang`ich ta’limda zamonaviy pedagogik texnologiyalar fanining nazariy-metodologik asoslarini ochib berish, bo’lajak pedagoglar tomonidan ularning chuqur o’zlashtirilishiga erishish, talabalarda pedagogik faoliyatni muvaffaqiyatli tashkil eta olish ko’nikma va malakalarini shakllantirishdan iborat.
Ma’ruza matnining tarkibiy tuzilmasidan o’rin olgan mavzular o’z mazmuni va yo’nalishiga ko’ra zamonaviy pedagogik texnologiyalar haqida umumiy ma’lumot, zamonaviy pedagogik texnologiya tushunchasi, o`quv jarayoni, ta’lim muassasalarida o`quv jarayonini tashkil etishning yangi metod va formalariga quyiladigan zamonaviy talablar, innovatsion faoliyat tizimi va pedagogning innovatsion faoliyati, boshlang`ich ta’limda zamonaviy redagogik texnologiyalarga ilmiy- nazariy yondoshuv, turli didaktikachi pedagoglarning pedagogik texnologiyalari haqida ma’lumot, pedagogik texnologiyalarning YUNESKO e’tirof etgan tavsifi, ta’lim jarayonida pedagogik texnologiya: o`kuvchi shaxsiga yo`naltirilgan texnologiya, muammoli o`kitish, dasturli o`qitish, o`qitishning axborot texnologiyasi, mualliflik texnologiyasi, o`kitishning takomillashib borish texnologiyasi, o`yinli texnologiyalar, modul texnologiyasi, interaktiv texnologiyalar, bilimlarni nazorat qilish texnologiyasi kabilardan foydalanish barkamol shaxs va malakali mutaxassisni tarbiyalashga xizmat qiladi.
Matnni yaratishda O’zbekiston Respublikasining “Ta’lim to’g’risida”gi Qonuni va “Kadrlar tayyorlash Milliy dasturi” kabi me’yoriy hujjatlarda ilgari surilagan fikrlarga tayanildi.
Fanni o`qitish semestrlari va uslubiy ko`rsatmalar.
Boshlang`ich ta’limda zamonaviy pedagogik texnologiya fani bakalavriat bosqichida 4 kurs 7-8- semestrda o`qitiladi va yakuniy nazorat bilan yakunlanadi.
Dastur mazmuniga kirmay qolgan ayrim mavzular mustaqil ish sifatida o`rganiladi. Asosiy va qo`shimcha adabiyotlardan foydalanib mavzular taxlil qilib beriladi.
Umumiy va o`quv ishlari bo`yicha soatlar hajmi.
Kunduzgi o`quv bo`limida umumiy o`quv soati xajmi 58 - soat bo`lib, ulardan 22 soat ma’ruza, 36 soati amaliy mashg`ulot darslaridir.