“umumiy pedagogika” fanidan qiziqarli masalalar to’plami «Avliyoni hatlab o‘tma!» Masala 1

 

«Bola boshidan!» 

Masala  16.

  Toparman-tutarman  ota  hali  balog‘atga  etmagan  o‘g‘lidan 

pulini  ayamas,  u  bilan  gaplashganda  faqat  boylik,  pul  topish  haqida  gapirar  va 

unga  buning  ba’zi  yo‘llarini  ham  o‘rgatgan  bo‘lar  edi.  Bir  kuni  uyga  otaning 

obro‘li  ziyoli  do‘stlari  mehmon  bo‘lib  kelib  qolishdi.  Ular  mehmonxonada 

chaq-chaqlashib  gaplashib  o‘tirishganda,  birdan  erkatoy  o‘g‘li  ruhsatsiz, 

salomsiz kirib kelib qoldi. hijolat bo‘lgan ota o‘g‘liga: «Ie, mehmonlarga salom 

qani,  o‘g‘lim»,  -  dedi.  O‘g‘li:  «O‘rtoqlaringiz  o‘zingizga  o‘xshagan  boy 

---

biznesmenlarmi? 25 so‘mlik salom beraymi, 50 so‘mlik salom beraymi yoki 100 

so‘mlikmi?»  Ota  nufuzli  do‘stlarining  oldida  o‘g‘lining  kutilmagan  bunday 

savollaridan er yorilsa-yu, erga kirib ketgudek izza bo‘ldi. 

Otaning  o‘g‘liga  bergan  «tarbiya»sini  tahlil  qiling.  Bunday  o‘ziga  to‘q 

oilalarda farzand tarbiyasining o‘ziga xos xususiyatlari nimalardan iborat? 

 

Masala  17.

  15  yoshga  to‘lishi  nishonlanayotgan  Tohir  mehmonlardan 

sovg‘a qabul qilar, ammo bu galgi sovg‘alar unchalik qimmatli, dabdabali emas 

edi.  Bundan  ko‘ngli  to‘lmagan  Tohir  mehmonlar  ketganidan  keyin  o‘zlari 

yig‘ilishib o‘tirishganda dadasiga dedi: «Dada, og‘aynilaringiz amaldaligingizda 

katta-katta  sovg‘alar  qilishar  edi.  Amaldan  tushganingizdan  keyin  olib  kelgan 

sovg‘alarini  qarang».  Tohirning    bu  fikriga  oiladagilar  quyidagicha  munosabat 

bildirdilar: 

A)  Ona:  to‘g‘ri,  uyalmasdan  ko‘tarib  kelgan  sovg‘alariga  o‘laymi.  SHu 

sovg‘alar  bizga  munosibmi?  Eb-ichganiga  ham  arzimaydi.  Undan  ko‘ra  olib 

kelmay qo‘yaqolishmaydimi? 

B)  Buvi:  Mayli,  bolam,  sovg‘aning  katta-kichigi  bulmaydi.  SHunchalik 

olib  kelganlariga  rahmat  de.  Dadang  ham  bundan  buyon  ular  bilan  shu 

sovg‘alariga qarab muomala qiladi; 

V)  Buva:  (o‘g‘liga)  Bolam,  senga  ming  marta  aytganman,  tug‘ilgan 

kunlarni  oilaviy  o‘tkazaylik,  deb.  Bolalaringni  ham  shunga  o‘rgatishing  kerak. 

Ko‘nikishsin  shunga.  Ana  shunda  ular  boshqalardan  sovg‘a  kutmaydi. 

qolaversa,  sovg‘a  –  bu  olib  keluvchining  himmati.  Sovg‘a  qilingan  otning 

tishiga  qarama,  deyishadi.  Sovg‘aga  qarab  muomala  qiladigan  odam  yaxshi 

odam bo‘lmaydi. O‘zing ham birovga sovg‘a beradigan bo‘lsang, chin yurakdan 

ber.  Minnat  qilma.  Bergan  sovg‘angni  nasiya  deb  bil.  Uning  orqasidan  biror 

narsa  kutma.  Ana  o‘shanda  xotirjam  bo‘lasan,  ko‘ngling  orom  oladi.  Amalga 

keladigan  bo‘lsak,  u  qo‘lning  kiri  –  hozir  bor,  ertaga  yo‘q;  hozir  yo‘q  bo‘lsa, 

ertaga  bo‘ladi.  Buning  uchun  eng  muhimi  -  amaldaligingda  odamlarning 

ko‘nglini  qoldirma,  qo‘l  ostingdagilarga  e’tiborli  bo‘l,  ularni  hurmat-izzat  qil, 

adolatli  bo‘l,  toki  amaldan  tushganingdan  keyin  ham  ular  sening  hurmatingni 

joyiga qo‘yadigan bo‘lishsin, obro‘-e’tiboringga putur etmasin.