Umumiy o'rta ta'lim sifatini oshirish: mazmun, metodologiya, baholash va ta'lim muhiti

TA’LIMDA INNOVATSIYA YOSHLAR UCHUN –BILIMLI YOSHLAR 

KELAJAK UCHUN! 

 

Kabirova Umida Jumaboyevna,  

Beshariq tumani, 54-umumiy o‘rta ta’lim maktabi informatika fani o‘qituvchisi 

 

Bir soatlik dars-bir kunlik ibodatga teng. (Hadis) 

 

Ta’limdagi yuksalish uchun, avvalo bugungi xalqaro standart talablarga javob bera 

oladigan  dasturlardan,  zamonaviy  dizayn  va  mazmunga  ega  darsliklardan 

foydalanishimiz kerak. 

 

Fan  yuzasidan  dunyoda  yoki  O‘zbekistonda,  yutuqlarga,  yuksak  marralarga 

erishgan  insonlar  hayot  mazmuni  qisqacha  yoritib  borilsa,  o‘quvchini  fanga  qiziqishi 

uchun  turtki  bo‘ladi  deb  o‘ylayman.  O‘quvchi  hech  bo‘lmaganda  kimlardir  erishgan 

yutuqlarini  bilib,  ulardek  el  ardog‘idagi  farzandlar  bo‘lib  yetishishlari  ham  mumkin. 

Farzandlarimiz  ertangi  kelajagimiz.  Hozirgi  o‘quvchi  yoshlar  XXI  asrda  turli  xil 

axborotlar  iskanjasiga  tushib  qolmoqda.  Bugun  axborot  ular  uchun  eng  qimmatbaho 

buyumdek, yoki iste’mol uchun kerakli ozuqa manbai bo‘lib qolmoqda. Bugun oramizda 

kitobsevar  o‘quvchilar  ham,  kattalar  ham  kamayib  bormoqda.  Inson  ma’naviy,  ruhiy 

yuksalmas  ekan,  hech  qachon  u  moddiy  yuksakliklarga,  hayotning  ma’naviy  yuqori 

cho‘qqilarga erisha olmaydi. Ma’naviy yuksalish birinchidan oiladan boshlanadi. Uyda 

ota-ona kitob o‘qib, o‘zlari namuna bo‘lmas ekan, farzandlarimizni majburlay olmaymiz. 

Xalqimizda bir hikmat bor: “Qush uyasida ko‘rganini qiladi”. Bu hikmat ichida chuqur 

ma’no  bor.  Zero,  farzandlarimiz  baxtu-kamoli  hammamiz  uchun  juda  muhim. 

---