Umumiy o'rta ta'lim sifatini oshirish: mazmun, metodologiya, baholash va ta'lim muhiti

113

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

tushuntira olishi ham juda muhimdir. Buning uchun o‘qituvchi, eng avvalo, mutaxassislik 

bo‘yicha bilimlardan tashqari, pedagogik va psixologik bilimlar, o‘qitish metodikasiga 

oid bilimlarga ham ega bo‘lishi kerak. Yaʼni yosh avlodga bilim va tarbiya berayotgan 

ustoz bugungi kunda faqat oʼz mutaxassisligi bo‘yicha izlanishlar olib borishdan tashqari, 

o‘zida  mujassam  bilim  va  ko‘nikmani  o‘quvchilarga  yetkaza  olish  metodikasini  ham 

bilishi  zarur.  Bu  xususiyatlarni  oʼzida  mujassamlashtira  olgan  o‘qituvchi  bugungi 

zamonaviy  taʼlimning  haqiqiy  shakllantiruvchilari  bo‘la  oladi,  desak  mubolag‘a 

bo‘lmaydi. 

 

Boshlang‘ich  sinflarda  zamonaviy  taʼlimni  rivojlantirishda  o‘qituvchilar 

maʼlumotlarni faqatgina global tarmoqlardan ko‘chirib olishdan tashqari, bu yangiliklarni 

o‘zlari ham yarata olishlari zarur. Yani, hozirgi zamon zamonaviy o‘qituvchisi o‘z faniga 

oid maʼlumot va yangiliklarni o‘zi tayyorlagan slaydlar, videoroliklarda taqdim eta olishi 

zarur  deb  o‘ylayman.  O‘qituvchi  o‘z  o‘quvchilarining  yoshini  va  salohiyatini  inobatga 

olgan holda, bu jarayonga ijodkorona yondashuvi talab etiladi. 

 

Boshlang‘ich sinf o‘quvchilarini 45 daqiqalik dars davomida darsga qiziqtira olish 

va chalg‘itmaslik uchun o‘qituvchi dars jarayonining mukammal xaritasini yarata olishi 

kerak.  Yani  o‘qituvchi  har  bir  daqiqani  qanday  o‘tkazish  kerakligini  avvaldan 

tashkillashtirgan  bo‘lishi,  uni  faqat  o‘quvchilarning  zarur  bilim  va  ko‘nikmalarni 

egallashi uchun sarf qilishi kerak. O‘qituvchi o‘quvchisini zeriktirmasligi, har bir darsda 

yangi  o‘qitish  metodlaridan,  didaktik  o‘yinlardan,  pedagogik  texnologiyalardan 

foydalanishi zarur. O‘quvchi keyingi darslarni, dars jarayonida o‘qituvchisi tomonidan 

beriladigan yangiliklarni kutishi zarur. 

 

Boshlang‘ich taʼlimda zamonaviy taʼlimni rivojlantirishda bizga, eng avvalo, o‘z 

sohasidagi  va  psixologik  bilimlarni  mustahkam  egallagan,  zamonaviy  pedagogik 

texnologiya  va  o‘qitish  metodlarini  dars  jarayonida  mahorat  bilan  qo‘llana  oladigan, 

o‘quvchilarni  darsga qiziqtira oladigan,  yosh  avlodga bilim  va  ilm  berishdan tashqari, 

ularni  ona-vatanga  sadoqat,  milliy  urf-odatlarimizga  hurmat  nazari  bilan  qaraydigan 

mukammal shaxsni shakllantiruvchi o‘qituvchilar zarur deb o‘ylayman. Buning uchun 

o‘qituvchilarni yangi metodik qo‘llanmalar bilan, zamonaviy pedagogik texnologiyalar, 

interfaol metodlar bilan taʼminlashimiz, va albatta, bu texnologiya va metodlarni o‘quv 

jarayonlarida qo‘llash malakalarini uzluksiz oshirib borishimiz zarur.