Umumiy o'rta ta'lim sifatini oshirish: mazmun, metodologiya, baholash va ta'lim muhiti

623

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

O‘zbekiston Respublikasi Prezidenti huzurida 2019-yil 23-avgust kuni  

 “Yoshlarni  vatanparvarlik  ruhida  tarbiyalash  va  jamiyatda  o‘qituvchining  mavqeini 

yanada oshirish” masalasiga bag‘ishlangan kengaytirilgan tarzda o‘tkazilgan yig‘ilishda 

ta’lim-tarbiya  tizimini  tubdan  yangilash,  metodik  xizmat  ko‘rsatish  sohasini  yangi 

bosqichga ko‘tarish borasida bir qancha vazifalar belgilab berilgan edi. 

Ayniqsa,  umumiy  o‘rta  ta’lim  maktablarida  variativ  o‘quv  reja  asosida  tanlov 

sinflarining  tashkil  etilishi,  ta’lim  muassasalarida  pullik  ta’lim  xizmatlarini  ko‘rsatish 

tartibining joriy etilganligi, maktablarning boshqaruv tizimida Kuzatuv kengashlarining 

tuzilishi  natijasida  ko‘plab  o‘zgarishlar,  yangiliklar,  innovatsiyalar  va  texnologiyalar 

paydo bo‘lmoqda. 

Shuningdek,  Xalq  ta’limi  tizimidagi  umumiy  o‘rta  ta’lim  maktablarida  tayanch 

o‘quv  rejaga  asoslangan  davlat  ta’lim  standartlarini bajarish bo‘yicha  fanlar  va  sinflar 

kesimida dars o‘tish va  maktabdan  bo‘sh vaqtlarida  to‘garaklar  bilan ishlashish tizimi 

yo‘lga qo‘yilgan. 

Ta’limning sifatini oshirishda o‘quvchilarning bo‘sh vaqtlarida to‘garaklarga jalb 

etilishining  ahamiyati  katta.  Birinchidan,  fan  to‘garaklari  va  pullik  to‘garaklarda 

o‘quvchilar  o‘zlarini  erkin  tutishi,  tanlagan,  qiziqqan  yo‘nalishi  bo‘yicha  qatnashishi, 

mavzularning  majburiy  emasligi  va  muammoli  mavzular  bo‘yicha  o‘qitilishi 

o‘qituvchilarning  o‘z  oldiga  qo‘ygan  vazifalarini  amalga  oshirishda  muhim  ahamiyat 

kasb  etadi.  Bu  borada  ota-onalarning  nizom  asosida  pul  to‘layotganligini  hisobga 

oladigan  bo‘lsak,  ular  tomonidan  o‘quvchilarning  o‘z  ustida  ishlashlariga  imkoniyat 

yaratib berishi va nazoratning kuchayishi ta’lim sifatini oshishining yana bir indikatori 

bo‘lib hisoblanadi.  

Shuningdek, fan to‘garaklari va pullik xizmat ko‘rsatish to‘garaklari orqali yuqori 

sinf  o‘quvchilarini  ma’lum  bir  kasbga  yo‘naltirish  ishlarini  ham  olib  borish  o‘zining 

ijobiy natijani beradi. 

Barchamizga ma’lumki, umumiy o‘rta ta’lim maktablarida o‘quvchilarning bo‘sh 

vaqtlarini  mazmunli  tashkil  etishga  qaratilgan  to‘garaklar  faoliyat  yuritib  kelmoqda. 

Ularning  metodik  ishlarini  maktabning  ma’naviy-ma’rifiy  ishlar  bo‘yicha  direktor 

o‘rinbosari  muvofiqlashtirib  bormoqda  va  hisobotlar  bilan  cheklanmoqda.  To‘garak 

ishlarini sifat va mazmun jihatini qayta ko‘rib chiqish zaruriyati paydo bo‘lmoqda. Ya’ni, 

so‘ngi  paytlari  maktablarda  fan  to‘garaklari,  pullik  xizmat  ko‘rsatish  to‘garaklari, 

maktabdan  tashqari  to‘garaklar  (bichish,  tikish,  texnologiya,  musiqa,  turizm,  rasm  va 

hakoza)  faoliyati  yo‘lga  qo‘yilgan  bo‘lib,  ularni  muvofiqlashtirish  faqat  havoyi 

raqamlarga  e’tibor  berish  bilan  cheklanib,  ularning  metodik  jihatdan  yordamga 

muhtojligiga e’tibor qaratilmayapti. 

O‘zbekiston  Respublikasi  Vazirlar  Mahkamasining  2019-yil  22-apreldagi 

“O‘zbekiston Respublikasi Xalq ta’limi tizimidagi umumiy o‘rta ta’lim muassasalarida 

pullik ta’lim xizmatlarini ko‘rsatish tartibi to‘g‘risida Nizomni tasdiqlash haqida”gi 343- 

---