Umumiy o'rta ta'lim sifatini oshirish: mazmun, metodologiya, baholash va ta'lim muhiti

 

 

---

 

608

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

RAQAMLI IQTISODIYOT –MAMLAKAT TARAQQIYOTINING QANOTI. 

 

Rajabova Nargiza Fayziyevna,  

Buxoro viloyat Buxoro tuman xalq ta’limi bo‘limi aniq fanlar metodisti 

  

Jamiyatda  so‘nggi  yillarda  “raqamli  iqtisodiyot”  tushunchasi  juda  ko‘p  marta 

qo‘llanilmoqda. Ko‘plab rivojlangan mamlakatlarda raqamli iqtisodiy tizim o‘rnatilgan 

bo‘lib,  u  rivojlanish  omillariga  sezilarli  darajada  ta’sir  o‘tkazgan.  Insoniyat  hayotida 

raqamli iqtisodiyot muhim rol o‘ynaydi. Chunki jamiyatning har bir a’zosi bugungi kunda 

axborot  hurujining  oshib  borishi  tufayli  vaqt  masalasida  qiynalishadi.  Vaqtdan  yutgan 

holda  o‘z  vazifalariga  ulgurishning  eng  maqbul  usuli  bu  axborotlarni  elektron  tarzda 

almashinib ish yuritishdir. Bu borada O‘zbekiston Respublikasida ham anchagina ishlar 

qilindi.  Jumladan  O‘zbekiston  Respublikasi  Prezidenti  Shavkat  Mirziyoyev  24-yanvar 

kuni  Oliy  majlisning  Senati  va  Qonunchilik  palatasiga  navbatdagi  Murojaatnomasida 

2020-yil  nomini  “Ilm-ma’rifat  va  raqamli  iqtisodiyotni  rivojlantirish  yili”  deb  e’lon 

qilindi. Bu sohalarni rivojlantirish borasida tegishli chora-tadbirlar ishlab chiqildi. 

Raqamli  iqtisodiyot  tushunchasi  nisbatan  uzoq  bo‘lmagan  vaqtda,  1995-yili 

Massachusets  universiteti  amerikalik  olimi  Nikolas  Negroponte  tomonidan  aniqlab 

berilgan.  Olim  axborot-kommunikatsiya  texnologiyalarini  intensiv  rivojlanishi  ortidan 

eski  iqtisodiyotdan  yangi  iqtisodiyotga  o‘tishda,  qanday  o‘zgarishlar  ro‘y  berishi 

mumkinligini aytib o‘tgan. 

Raqamli iqtisodiyot - bu xo‘jalik faoliyatini yuritish bo‘lib, bunda ishlab chiqarish 

va  xizmat  ko‘rsatishdagi  asosiy  omil  raqamlar  ko‘rinshidagi  ma’lumotlar  bo‘lib,  katta 

hajmdagi  axborotlarni  qayta  ishlash  va  shu  qayta  ishlash  natijasini  analiz  qilish 

yordamida har xil turdagi ishlab chiqarish, xizmat ko‘rsatish, texnologiyalar, qurilmalar, 

saqlash, mahsulotlarni yetkazib berishda oldingi tizimdan samaraliroq yechimlar tadbiq 

qilishdir. Boshqacha qilib aytganda, raqamli iqtisodiyot bu onlayn xizmatlar ko‘rsatish, 

elektron to‘lovlarni amalga oshirish, internet savdo va boshqa turdagi sohalarni raqamli 

kompyuter texnologiyalarini rivojlanishi bilan bog‘liq bo‘lgan faoliyatdir. 

Asosan  raqamli  iqtisodiyotni  rivojlanishining  asosiy  elementi  sifatida  elektron 

tijorat, internet bank, elektron to‘lovlar, internet reklama va shu bilan birga, masofaviy 

ta’lim ham ko‘riladi. 

Axborot  texnologiyalarini  rivojlanishi  va  tadbiq  qilinishi  evaziga  kundalik 

hayotimizda  juda  ko‘plab  qulayliklar  paydo  bo‘lmoqda.  Deylik  sizga  biror  badiiy 

adabiyot yoki darslik va qo‘llanmalar kerak bo‘lib qoldi, ammo sizda kitob do‘koniga 

borishning imkoni yo‘q, yohud do‘konlardan bu kitobni topolmadingiz, muommo emas, 

internet  saytlaridan  xohlagan  kitobingizni  onlayn  tarzda  qidirib  topishingiz  mumkin. 

Yoki  do‘stingizga  pul  o‘tkazishingiz  kerak,  buning  uchun  bank  yoki  moliya 

muassasalariga borishga hojat yo‘q, biz pulni mobil bank orqali o‘tkazishimiz mumkin. 

---