Umumiy nazorat savollari «iqtisodiyot nazariyasi» fanidan tayyorlangan umumiy nazorat savollari

Tayanch iboralar: tadbirkorlik tushunchasi, uning biznesdan farqi va vazifalari.
Tadbirkorlik faoliyati  mulkiy mas’uliyat ostida, mavjud qonunlar
doirasida, daromad olish maqsadida, tahlika bilan amalga oshiriladigan iqtisodiy
faoliyatdir. Tadbirkorlik faoliyatini olib borish uchun albatta mulk egasi bo‘lish
shart emas, u zarur vositalarni ijaraga yoki qarzga olishi va boshqalar mulki
asosida ish yuritishi mumkin.
75. Tadbirkorlik faoliyatining shakllari.
Tayanch iboralar: individual, sherikchilik, xissadorlik jamiyati, davlat tadbirkorligi.
Byudjet korxonalari huquqiy va xo‘jalik mustaqilligiga ega bo‘lmagan
korxonalardir. Ular davlatning ma’muriy – boshqarish tizimiga kiradi va biron-bir
vazirlik, mahkama yoki mahalliy o‘z-o‘zini boshqarish organlariga bevosita
bo‘ysunadi yoki ularning tarkibiy qismi hisoblanadi. Ular olgan foydadan soliq
to‘lamaydi. Barcha daromad va xarajatlar davlat byudjeti orqali o‘tadi.
Davlat ishlab chiqarish korxonalari – bu korxonalarning ancha keng tarqalgan
tashkiliy, huquqiy shaklidir. Ular mol-mulkka ega bo‘lib, xo‘jalik faoliyati bilan birga
davlat tomonidan belgilangan doirada boshqarish va tartibga solish vazifalarini ham
bajaradi, ya’ni davlat korporatsiyalari o‘zida tijorat korxonalari va davlat organlari
belgilarini mujassamlashtiradi.
Aralash kompaniyalar. Ular hissadorlik jamiyatlari va majburiyatlari
cheklangan shirkatlar shaklida tashkil qilinib, aksiyalar paketi davlatga taalluqli
bo‘ladi. Aralash kompaniyalar hissadorlik jamiyatlari to‘g‘risidagi qonun asosida
ish yuritadi va yuridik shaxs hisoblanadi, xo‘jalik faoliyatida xususiy firmalar bilan
barobar tijorat asosida qatnashadi. Shu bilan birga, ular xususiy firmalarga nisbatan
ma’lum imtiyozlardan foydalanadi. Bular davlat tomonidan pul va dotatsiyalar
berilishi, chet el litsenziyalarini engil shartlar bilan olish, boshqa davlat
korxonalari bilan xomashyo va yarim fabrikatlarni qat’iy belgilangan narxlarda
o‘zaro yetkazib berish, ishlab chiqargan mahsulotni sotish uchun bozor bilan
ta’minlanganlik va shu kabilar.

76. Marketingning mohiyati va vazifalari.