Umumiy kimyo va fizika

Ebulioskopiya – eritmaning qaynash shartlarini o’rganuvchi bo’limdir.
Elektrolitlar – suvdagi eritmalari yoki suyuqlanmalari elektr oqimini o’tkazadigan moddalardir. Kislota, asos va tuzlar elektrolitlardir.
Eruvchanlik ko’paytmasi – oz eriydigan elektrolitlarning to’yingan eritmasidagi ionlar kontsentratsiyalarining ko’paytmasi ayni haroratda o’zgarmas miqdordir.
Elektrkimyoviy korroziya – metallning elektrolit muhitida yemirilishida sistema ichida elektr oqimi vujudga kelsa, bunday yemirilish elektrkimyoviy korroziyalanish deyiladi.
Elektroliz – qizdirib suyuqlantirilgan elektrolit yoki uning suvdagi eritmasi orqali elektr oqimi o’tganda sodir bo’ladigan oksidlanish – qaytarilish jarayonidir.
Elektron – elementar zarracha bo’lib, juda kichik manfiy zaryadlangan zarrachadir. Uning massasi vodorod atomining massasidan 2000 marta kichikdir.
Qisqa davrli variant – bu variantda o’zaro o’xshash elementlar vertikal qatorlarga joylashgan, unda 8 ta vertikal, 10 ta gorizontal qator bor edi.
Qo’shimcha guruhcha – katta davrlarda joylashgan oraliq elementlar qatoridir.
Qutbsiz kovalent bog’lanish – elektmanfiyligi bir xil bo’lgan atomlar orasida umumiy elektron juftlar hosil bo’lishini hisobiga vujudga keladigan kovalent kimyoviy bog’lanishdir
(Н:Н, : : : :, :N::N:).
Qutbli kovalent bog’lanish – elektr manfiyliklari bir – biridan oz farq qiladigan atomlar hosil qilgan kimyoviy bog’lanishdir
(Н:Cl, H:О:Н, Н: : Н va boshqalar).
Qaytar jarayon – bir sharoitning o’zida ikki tomonga bora oladigan jarayondir boshqacha qilib aytganda, ikki tomonlama boradigan jarayon deyiladi.
Qaytmas jarayon – faqat bir yo’nalishda boradigan va reaksiyaga kirishayotgan boshlang’ich moddalar oxirgi mahsulotlarga to’liq aylanadigan jarayondir. Shuning uchun bunday reaksiyalar amalda qaytmas, boshqacha aytganda, bir tomonlama boruvchi jarayonlar deb ataladi.