Umumiy doc

 
15.3-§. TEXNOLOGIK JARAYONNI BOSHQARISH TIZIMINI JIH03LASH 
UCHUN TEXNIK VOSITALAR KOMPLEKSI 
Ishlab chiqarishning o‘ziga xos xususiyatlari talab qiladigan ishonchlilik 
bo‘yicha ham me’yordagi, ham yuqori talablar mavjud bo‘lganda sanoatning turli 
tarmoqlarida boshqarish tizimlarini qurish uchun keng qo‘llaniladigan texnik 
vositalarning ikki kompleksini qarab chiqamiz. Ulardan biri ASVT agregat tizimining 
tarkibiga, ikkinchisi ASST agregat tizim tarkibiga kiradi. 
15.3.1.M-6000 PROSESSOR ASOSIDAGI ASVT-M TEXNIK VOSITALAR 
KOMPLEKSI 
PDF created with pdfFactory Pro trial version 
www.pdffactory.com

---

437 
M-6000 asosidagi texnik vositalar kompleksi axborotni to‘plash, ishlov berish 
va chiqarishning turli xil vazifalarini amalga oshirish uchun agregat modullarning 
keng to‘plamidan iborat. Bu modullar mikroelektron texnika elementlari asosida 
yasalgan va real vaqt masshtabida ishlovchi avtonom axborot va boshqarish 
tizimlariga yig‘iladi. 
Kompleksning unumdorligi taxminan 200000 adres operasiyasini tashkil etadi 
(operasiyalar operativ xotirlash qurilmasi OXQ dan chiqarib olinganda). M-6000 
kompleksining operativ xotira hajmi ko‘pi bilan 65536 baytni tashkil etadi va bu 
qiymatgacha 8192 baytdan boshlab OXQ ning ayrim bloklarini ulash bilan oshirib 
borilishi mumkin. Xotiraga murojaat qilish vaqti uning turli ish rejimlari uchun 
2,5...3,8 mks. 
Kompleksning farq qiluvchi xususiyati uning tarkibida xotiraga to‘g‘ri kirish 
kanali (XTKK) borligidir, uning tez ishlashi odatdagi kanallarning tez ishlashidan 
ancha yuqoriroqdir. XTKK mavjudligi, zarur bo‘lganda, prosessorning ishini 
to‘xtatmasdan kiritish-chiqarish operasiyalarini tizimning xotirasi yordamida 
bajarishga imkon beradi.