Umumiy doc

 
10.4
-§. KOMBINASIYALASHGAN ROSTLASH TIZIMLARI 
CHetga chiqishlar va g‘alayonlanish bo‘yicha rostlash tizimlarining 
afzalliklarini o‘z ichiga olgan kombinasiyalashgan rostlash prinsini bo‘yicha 
ishlaydigan tizimlarda asosiy g‘alayonlanishni kompensasiya qilish uchun 
g‘alayonlanish uchun ART qo‘llaniladi. Bunda qo‘shimcha ravishda chetga chiqishlar 
prinsipiga asoslangan yana bir rostlash konturi ishlatiladi. Bu konturda tug‘rlovchi 
rostlagich chetga chiqishga nisbatan signal ishlab chiqaradi, signalni o‘z navbatida 
g‘alayonlanish bo‘yicha rostlash konturining rostlagichi topshiriq sifatida qabul 
qiladi. SHunday qilib, asosiy g‘alayonlanish ta’siri va tizimda paydo bo‘ladigan 
xatoga sabab bo‘lgan barcha g‘alayonlanishlar tez sur’atlarda kompensasiya qilinadi. 
Kombinasiyalashgan rostlash tizimi, ancha aniq rostlash natijasini ta’minlaydi va 
boshqa tizimlarga qaraganda murakkab, shu sababli chetga chiqishlar bo‘yicha ART 
talab qilingan darajada aniq rostlashni bajara olmagan holdagina bunday tizimlar 
qo‘llaniladi. 
Kombinasiyalashgan tizimlar orasida eng mukammali rostlanuvchi kattalikning 
tizimga ko‘rsatadigan g‘alayonlanishlari ta’siridan ozod etuvchi invariant tizimlardir. 
Invariantlikka tizimdagi g‘alayonlanishlar ta’siri bo‘yicha aloqalar kiritish orqali 
erishiladi. Bunda, rostlanuvchi kattalikning stabillashishiga yoki o‘zgarayotgan 
topshiriqning qayta tiklanish sifati yaxshilanishiga intilinadi. Agar mutloq 
invariantlik shartlari bajarilsa, rostlanuvchi kattalik g‘alayonlanishlar ta’siriga bog‘liq 
bo‘lmaydi. Boshqacha qilib aytganda, nol qiymatdan boshqa g‘alayonlanishlar 
ta’sirida tizimdagi rostlanuvchi kattalikning tebranish qiymati nolga teng.