Умумий ўртатаълим мактаб амалиётчи психологлари малакасини ошириш курсининг мутахасисслик буйича давлат талаблари, ЎҚув-мавзу режа, дастур

3.3.5. Мавзу: ЎҚУВЧИЛАРНИНГ КАСБ-ҲУНАРГА ЛАЁҚАТЛИЛИГИНИ АНИҚЛАШ МАСАЛАЛАРИ


3.3.5 -мавзунинг технологик харитаси

Фан: мутахассислик Аудитория: мактаб амалиётчи психологлари Мавзу Ўқувчиларнинг касб-ҳунарга лаёқатлилигини аниқлаш масалалари Калит сўзлар: Касб-ҳунарга йўналтириш, касб танлаш мотивини аниқлаш, ўқувчиларни касб – ҳунарга йўналтиришда ота- оналар билан ишлашнинг психологик хусусиятлари

Мавзунинг қисқача таърифи (Давлат талабларига мувофиқ) Касб-ҳунарга йўналтириш босқичлари мазмуни: кузатиш-ўқувчиларни меҳнат таълими дарсларида кузатиш, диагностик суҳбатлар, ўқувчиларни касб – ҳунарга йўналтириш бўйича ялпи тадбирлар. Ўқувчиларни касб–ҳунарга йўналтиришдаги психологик муаммолар: ўқувчининг хоҳиши, истагини ҳисобга олиш; касб-ҳунар эгаллашдаги қобилияти; ҳунар учун зарур билимларни эгаллаши ва мойиллиги; жисмоний аҳволи, соғлиги ҳақидаги маълумотларни ҳисобга олган ҳолда тавсиялар бериш тартиби. Ўқувчиларнинг касбий лаёқат даражаларини аниқлаш мақсадида ДДС (дифференциал–диагностик сўровнома) методикасидан фойдаланиш. Касб танлаш мотивини аниқлаш. Ўқувчиларни касб – ҳунарга йўналтиришда ота- оналар билан ишлашнинг психологик хусусиятлари. Дарсдан ташқари машғулотларда ўқувчиларни касб-ҳунарга йўналтириш.

Ўқув жараёнини амалга ошириш технологияси Метод: Оғзаки баён қилиш, «Ақлий ҳужум» методи, давра суҳбати, ўзаро тажриба алмашиш Воситалар (техник ва дидактик): тарқатма материаллар, анкета, тест саволлари, маъруза асосида тайёрланган презентация слайдлари, скоч, маркер, флипчарт, проектор. Назорат: Оғзаки назорат, ўз-ўзини назорат қилиш, савол-жавоб, тақдимот. Баҳолаш: Рағбатлантириш Форма: маъруза, суҳбат, савол-жавоб, индивидуал ва жамоавий ишлаш, кичик гуруҳларда ишлаш