Умумий ўрта таълим муассасаларида ўқувчиларнинг соғлом овқатланиши, уларга сифатли тиббий хизмат кўрсатилиши учун яратилган шароитларни ўрганиш юзасидан

Ўзбекистон Республикаси
Халқ таълими вазирлигининг
2021 йил “___” январдаги
_________ -сонли хатга
1-ИЛОВА

Умумий ўрта таълим муассасаларида ўқувчиларнинг соғлом овқатланиши, уларга сифатли тиббий хизмат кўрсатилиши учун яратилган шароитларни ўрганиш юзасидан
САВОЛНОМА

1. Умумий ўрта таълим муасссаларида ошхона ва буфетлар фаолиятининг ташкил этилганлиги ҳолати (Вазирлар Маҳкамасининг 2016 йил 2 майдаги 132-сон қарори билан тасдиқланган Низомга мувофиқ ташкил этилган).

2. Умумий ўрта таълим муассасаларининг ошхона ва буфетларида Ўзбекистон Республикаси Бош санитария врачи томонидан тасдиқланган меъёрлардан келиб чиқиб, истеъмолга чиқарилаётган озиқ-овқат маҳсулотлари ва таомлар сифати ҳамда таълим муассасаларида сотилиши таъқиқланган озиқ-овқат маҳсулотлари ва таомларнинг савдоси.
3. Умумий ўрта таълим муассасалари ошхоналарида ҳафталик таомномаларнинг тузилганлиги, таомноманинг ўқувчилар ёшига, уларнинг физиологик ривожланишига ҳамда белгиланган санитария қоидалари, нормалари ва гигиена нормативларига мувофиқ ҳолда тузилганлиги.
4. Умумий ўрта таълим муассасалари ошхоналарини ижарага бериш бўйича ўтказилган танловларнинг шаффофлиги ҳолати, тадбиркорларга қўйилган талабларнинг бажарилиши мониторинги юритилганлиги (бунда, ошхонаси узоқ муддатга берилган таълим муассасасида тадбиркорлик субъекти томонидан белгиланган талабларнинг бажарилганлик холати).
5. Умумий ўрта таълим муассасалари ошхона ва буфетларида тайёрланаётган озиқ-овқат маҳсулотлари ва таомлар сифатини ўрганиш бўйича Комиссия ташкил этилганлиги ва унинг фаолияти.
6. Умумий ўрта таълим муассасаларида ўқувчиларнинг соғлом овқатлантиришни ташкил этиш юзасидан доимий мониторинг олиб борилганлиги, ўқувчилар ва уларнинг ота-оналари ўртасида сўровномалар ўтказилганлиги, сўровномалар натижасининг муҳокамаси (ҳудудий халқ таълими бўлими мудирлари ҳузурида ҳамда таълим муассасаларининг кузатув кенгашларида муҳокамаси ).
7. Умумий ўрта таълим муассасалари ошхона ва буфетларининг санитария-гигиеник ҳолати.
8. Умумий ўрта таълим муассасаларига тиббий ходимларнинг бириктирилганлиги (Соғлиқни сақлаш вазирлиги ва Халқ таълими вазирлигининг “COVID-19 пандемияси даврида умумий ўрта таълим мактабларига тиббиёт ходимларини бириктириш ва фаолиятини ташкил этиш тўғрисида” 2020 йил 3 сентябрдаги 77-сон, 35 қ/қ-сон қўшма қарори асосида).
9. Умумий ўрта таълим мактабларида тиббиёт хоналарининг мавжудлиги
ва жиҳозланганлиги ҳолати.
10. Умумий ўрта таълим муассасаларига зарур дори воситаларниг ажратилганлиги ва ўқувчилар сонига мослиги.
11. Умумий ўрта таълим муассасалари ўқитувчиларнинг тиббий кўрикдан ўтганлиги, тиббий дафтарчаларнинг мавжудлиги ва тўғри тўлдирилганлиги.