Умумий ўрта таълим мактабларида синфдан ташқари ишлар” 1-мавзу: Умумий ўрта таълим мактабларида синфдан ташқари ишлар ва унинг мазмуни

Байрамга тайёргарлик ишлари қуйидаги кетма-кетликда амалга оширилади:

1. 
   Мактаб спорт байрамини ўтказиш бўйича ташкилий қўмита ёки штаб ташкилланади; уларнинг аъзоларига аниқ вазифалар топширилади; таркибига мактаб директори (раис), жисмоний тарбия ўқитувчилари; жисмоний тарбия ташкилотчилари; синф раҳбарларидан вакиллар; жамоатчи ташкилотларнинг вакиллари; ота-оналар кенгаши; мактаб жисмоний тарбия жамоаси кенгаши вакиллари ҳамда ҳомийлардан вакиллар ва бошқалар киритилади.
   
2. 
   Байрамни ўтказиш муддати ва вақти белгиланади.
   
3. 
   Байрамни ўтказиш, тайёрлаш режасини тузиш мусобақа дастурларини ёзиш ва ишлаш йўлга қўйилади.
   
4. 
   Мактаб педагогика кенгашида байрамни ўтказиш режаси, низомлар ва дастурларни (сценарийни) муҳокамадан ўтказилади.
   
5. 
   Ҳакамлар коллегиясини юзага келтириш, тайёрлаш ва уларни синовдан ўтказиб, ҳакамлик малакасига баҳо берилади.
   
6. 
   Моддий маблағларни аниқлаш, байрамни ўтказиш учун масъулларни белгилаш, синфларни, спорт секцияларнинг байрамдаги аниқ вазифалари кўрсатилади ва мусобақа жойини тайёрлаш-лозунглар ёзиш, байроқлар тайёрлаш, мусобақа жиҳозлари, турли хил безаклар (гуллар, эмблемалар, рангли шарлар ва х.к.)ни топиш ва жиҳозлашга тайёрлаш.
   
7. 
   Тарғибот ва ташвиқот ишларини йўлга қўйиш, ўқувчиларни байрам дастури билан таништириш, байрамга бағишланган деворий газеталар чиқариш, синф, мактаб жисмоний тарбия ва спорт бурчакларини безаш, лозунг, шиорлар, фотовитрина, фотомонтаж, фотоальбом ва кино-видео тасмалар намойиш қилиш, уларни тайёрлаш.
   
8. 
   Байрамни очилиши ва ёпилиши учун оммавий чиқишлар блокини тайёрлаш. Турли хил оммавий бажариладиган машқлар, секция ва кружокларни фаолиятини намойиш қилиш, уларни чиқишларини тайёрлаш.
   
9. 
   Байрам дастуридаги мусобақаларга спортчи ўқувчиларни тайёргарлигини йўлга қўйиш.
   

Байрамни ўтказилишига барча ўқувчиларни қизиқтириш, спорт формасини тайёрлаш, майкаларга номерлар ёзиш, эмблемалар тикиш, ўзини синфи ёки параллел синфларни спорт гимнларини тайёрлашдек ташкилий ишлар ўз вақтида йўлга қўйилиши байрамни тарбиявий аҳамиятини оширади. Синфларга тайёргарлик юкламаси тенг тақсимланиши, кичик ёшдагилар супуриб сидирса, ўрта мактаб ёшидагилар майдонни (зални) жиҳозлайди, катта ёшдагилар ҳакамликка тайёрланади.