Умумий ўрта таълим мактабларида синфдан ташқари ишлар” 1-мавзу: Умумий ўрта таълим мактабларида синфдан ташқари ишлар ва унинг мазмуни

Спорт байрами сценариясининг мазмуни
Спорт байрами сценарияси мазмуни ўз ичига:
Тадбирнинг номи, қандай санага бағишланиши, қўйилган мақсад ва вазифалари учун аниқ воситалар ва байрам мазмуни шунга мувофиқлаштирилади;
Ўтказиш санаси ва жойи;
Байрамга тайёргарлик режасини тузиш (сценарийни тайёрлаш мактаб масштабида бўлса 1 ой аввал тузилади);
Байрамни жойини дизайни, ўтказиш жойида рангбаранг-лик, ҳис-ҳаяжон, юзага келтириладиган байрам аурасини, ўзига хос муҳитни сценарийда ифодаланишини аҳамияти муҳим. Мактаб шароити, жиҳозлар, фойдаланадиган барча спорт анжомлари қолаверса, қатнашчиларнинг тайёргарлиги даражаси ҳисобга олинади;
Ташкилий қўмита ва таркибидагиларга аниқ вазифалар белгиланади ҳамда вазифаларни бажарилиш муддати аниқ кўрсатилади;
Байрамда ҳакамлик, мусобақа шартларини бажариш қоидаларини ўрганиш муҳимлиги эътиборга олиниб, ҳакамлар учун уларга махсус семинарлар ташкиллаш режага киритилади;
Байрамни очилиши, ёпилиши, ғолибларни тақдирлаш;
Байрам сценарийси байрам мазмунига киритиладиган беллашув шартларини тўлиқ ўзида мужассамлаштирган бўлиши лозим.
Сценарияда ифодаланиши зарур бўлган шартлар
Иштирокчилар паради ва байрамни очилиши, байроқ кўтариш.
Оммавий чиқишлар, таркибида - эркин машқлар, спорт турлари бўйича алоҳида чиқишлар, якка курашлардан парчалар, гимнастлар, акробатларнинг маҳоратларини намойиш қилиш мақсадидаги кўргазмали номерлари ва ҳ.к.лар. Оммавий спорт мусобақалари, беллашувлар. Оммавий ўйинлар, спорт кўнгил очишлари, аттракционлар. Байрамни якунлаш-қатнашчиларни сафлаш, ғолиб жамоалар ва шахсий биринчилик ғолибларини тақдирлаш.
Мактаб спорт байрамларига тайёргарлик ишлари
Спорт байрамлари одатда ўқувчилар ҳаётида унутилмас воқеалардан бири бўлиб қолади. Байрам тайёргарлиги жараёни узоқ муддат талаб қиладиган синфдан ташқари ишларнинг етакчи шаклларидан биридир. Уларни тайёрлаш ўтказиш, жисмоний тарбия мутахассисини шу тадбирга оид назарий билим, амалий малака ва кўникмаларига боғлиқ. Таълим-тарбия тизими ўқув муассасаларида жисмоний тарбия ва спортни оммавийлигига эришиш, жисмоний машқлар ва спортнинг бир неча турларини тарғибот-ташвиқоти, ўқувчи-ёшларни жисмоний машқлар билан шуғулланиш машғулотларига жалб қилиш учун восита ролини ўйнаши ва энг асосийси соғломлаштиришни назарда тутиши керак.