Умумий маълумот ва коидалар

Кургазма павильонлари бинолари ва хоналарининг хажмий - режавий ечими.



Кўргазма павильони таркибига учта асосий хоналар гуруҳи киради: Биринчиси-мехмонлар учун хоналар (экиспозитция заллари, кинозал, гардеробли вестибюль);
Иккинчиси-хизматчи–хўжалик хоналар (экиспозициялар омбори, хизматчи ходимлар кабинетлари, устахоналар); учинчиси-50 ўринли кафе.
Кўргазма павильони биносини режалашда барча асосий қисмларнинг ўзаро қулай алоқасини таъминлаш керак. Бинонинг бу қисмлари қулай алоқаси ва маршрутни қисқартириш учун бош кириши ва парад зинапоя, хизматчи кириши эшиги ва ички зинапояларни кўриб чиқиш лозим. Юқори экпозитция залларига оғир экспонатларни кўтариш учун юк лифти ва пассажир лифтлари (3-қаватдан юқори биноларда)ни лойиҳалаш керак.
Кўргазма повильонига киришда, вестибюлда гардеробдан ташқари, адабиётлар ва сувинерлар сотиш дўкончасини кўзда тутиш лозим. Директор ва экскурсоводлар хоналари, кино маъруза хонаси, 50 ўринли кафе ва санузеллар вестибюлга бирлашиши даркор.
Кино маъруза зали кинотеатрлар учун қабул қилинган меъёр ва қоидаларни ҳисобга олган ҳолда лойихаланади, бу ерда кинопроекция ва перемотка хоналари алоҳида кириш билан кўзда тутилиши зарур .
Экспозиция заллари ўлчамлари, одатда, кўргазма павильонининг ҳар бир бўлими экспозиция майдони талабидан келиб чиқиб аниқланади. Лойиҳада ҳар бир экиспозиция бўлимида биттадан кам бўлмаган йирик зал бўлиши мақсадга мувофиқдир (кичик заллар билан бир қаторда- 40-50 м² майдонли). Экспозиция заллари баландлиги меъёр бўйича аниқланади - 4,5 м.
Кўргазма павильонининг цоколь қаватида ҳавони мўътадиллаш (конденсация) ёки иситиш учун хоналар ва бошқа техник қурилмалар (марказий чангни йўқотиш ускуналари ва бошқалар) учун хоналар махсус жихозланади.
Кўргазма павильони биносининг конструктив ечими асосига, тайёргарликнинг йиғма элементлардан максимал фойдаланиш приципи ётиши керак (колонналар қадами 6х6,9, 7,2 х 6,9 , 12х12) . Экспозицион заллар қопламалари учун замонавий катта пролётли қопламалардан фойдаланиш тавсия қилинади, бу қопламаларда таянчлар сони чегараланган бўлиб, юқори чидамли пўлат, ҳамда енгил металлар ва пластик массалардан фойдаланиб, аввалдан кучайтирилган конструкцияли тўрсимон оболочкалар қўлланилган.
Кўргазма павильони биноси лойиҳаси IV-иқлим худуди спецификацияси, 7-9 балли сейсмикликни ҳисобга олган ҳолда, ҳамда кўкламзорлаштириш суғориш, йўналтириш ва микроиқлим масалаларини ишлаб чиқиши керак.

•