Умумий маълумот. Электр токининг инсон танасига таъсири

Сунъий нафас олдириш ва юракни массаж қилиш усуллари.
Электр токи таъсирига тушиб қолиш, жароҳатланиш сабаблари ва уни олдини олиш тадбирлари.
Агар инсон танасининг ҳар қандай қисми электр тармоғига тушиб қолса, унда уни ток уриш хавфи пайдо бўлади. Бундай ҳолатни чизма равишда тасвирлаб токка тушиб қолишни икки фаза орасига тушиб қолиш ва бир фазали токка тушиш билан белгилаш мумкин.
Одам бир фазали токка тушиб қолди деб фараз қилайлик. Унда токнинг оқиш йўли фазадан одам танаси орқали ерга ўтиб кетиши мумкин.
Саноатда қўлланиладиган электр токи асосан 380 В кучланишга эга бўлади. Бундай ток уч фазадан иборат бўлиб, ҳар бир фазадан ерга нисбатан 220 В кучланишга эга бўлади. Бундай токка тушган одам танасидан оқиб ўтган ток миқдорини Ом қонуни асосида аниқлаш мумкин.


I=U_r / R₀
Бу ерда
I – одам организми орқали оқиб ўтган ток миқдори;
U_r – фазанинг кучланиши;
R₀ – ток оқиб ўтишига инсон танасининг қаршилиги.

Бир фазага тушиб қолган одам учун кучланиш 220 В ни ташкил қилади. R эса қатор қаршиликлар йиғиндисидан ташкил топади.

R = R_t + R_n + R₀ + R₁
Бунда
R_t – одам танасининг қаршилиги, техник ҳисобларда 1000 Ом қабул қилинади;
R_n – одам турган полнинг қаршилиги, агар ёғочдан бўлган бўлса, унинг қаршилиги 20000 - 60000 Ом оралиғида бўлади;
R₀ – оёқ кийим қаршилиги, бу қаршилик ҳам оёқ кийимининг материалига қараб 20000 - 50000 Ом атрофида бўлади;
R₁ – сим (нейтрал) ерга улангандаги қаршилиги (одатда умуман ҳар қандай ерга улагич қаршилиги 4 Ом дан катта бўлмаслиги талаб қилинади).

Агар биз электр токи таъсирида бўлган одам ўтказгичдан иборат полда турса, оёқ кийими ҳам электр ўтказувчи бўлса, унда қуйидаги натижага эга бўламиз.

Бу миқдордаги электр токи инсон учун хавфли ҳисобланади (ушлаб қоладиган ток миқдорига нисбатан 2,2 марта кўп). Бундай ҳолатда электр токи таъсирига тушиб қолганда баъзи бир омиллар бундай токнинг зарарлаш натижасини ўзгартириб юбориши мумкин. Масалан, электр токи таъсирига тушиб қолган одам қуруқ ёғоч полда ва оёғида ток ўтказмайдиган резина оёқ кийими бўлсин. Унда инсон танасидан ўтиб кетган ток миқдори қуйидагича бўлади.

Бу эса инсон танаси учун узоқ муддат таъсир кўрсатганда йўл қўйилган миқдордан кам миқдор ҳисобланади.

Назорат саволлари

1. 
   Электр токининг инсон организмига таъсирини баён қилинг?
   
2. 
   Электр токини тавсифловчи қандай катталикларни биласиз?
   
3. 
   Электр токидан сақланишнинг чора-тадбирларини изоҳланг?
   
4. 
   Статик электрдан сақланиш чораларини айтинг?
   
5. 
   Бино ва иншоотларни яшиндан қандай ҳимояланади?
   
6. 
   Хоналарни электр хавфи бўйича тоифалаш.
   
7. 
   Электр қурилмаларида қўлланадиган қандай ҳимоя воситалари мавжуд?
   
8. 
   Электр токидан шикастланганларга биринчи ёрдам қандай кўрсатилади?