Умумий қисм

Лизинг операциларини амалга оширишда банк - лизинг берувчи (ижарага берувчи) лизинг олувчи (ижара олувчи)нинг топшириғига биноан ишлаб чиқарувчи (сотувчи)дан ўз маблағлари ҳисобига истеъмол қилинмайдиган, тадбиркорлик фаолияти учун фойдаланадиган ашёлар сотиб олади ва уларни ижара олувчига ижарага беради.
Бу операцияни амалга оширишнинг биринчи босқичида ижара олувчи банкка лизинг шартномаси тузиш тўғрисида таклиф билан мурожаат қилади. Банк мурожаат қилувчининг молиявий ҳолатини таҳлил қилади. Агар таҳлил натижаси ижобий бўлса, банк ва ижара олувчи лизинг шартномасини тузади.
Бу шартнома бўйича банк ижара олувчи буюртган ашёни сотиб олиб унга ижарага бериш мажбуриятини олади, ижарачи эса банкка ижара тўловларини тўлаш мажбуриятини олади. Бундай кейин банк ижарачи буюртган мол-мулкларни ишлаб чиқарувчи ёки сотувчи билан музокаралар олиб боради ва ўз номидан олди-сотди шартномасини тузади.
Банк сотиб олинаётган мол-мулклар ижарага берилиши мулжалланган тўғрисида сотувчини огоҳлантириши керак. Амалиётда ашёларни олувчи шахс сифатида ижарачи ҳаракат қилади.
Лизинг шартномасида лизинг тўловларининг миқдори, шакли ва амалга ошириш тартиби кўрсатилиши керак. Лизинг тўловлари лизинг берувчининг лизинг объектининг сотиб олиш билан боғлиқ харажатларини ва лизинг ставкасини (лизинг берувчи оладиган фойданинг миқдори) ўз ичига оладиган пул суммасидир. Шу сабабли агар шартномада бошқача тартиб назарда тутилмаган бўлса, лизинг шартномасининг муддати тугагач, лизинг объекти лизинг олувчининг мулки бўлиб қолади.
Ижарага олувчи ўз хисобидан лизинг объектини суғурталаши керак, чунки мол-мулкининг тасодифан нобуд бўлиши ёки тасодифан бузилиши хавфи, агар шартномада бошқача тартиб назарда тутилмаган бўлса, ижара олувчига бу мол-мулкнинг топшириш пайтида ўтида.
Лизинг объектидан фойдаланиш жараёнида лизинг олувчи лизинг берувчига шартномада кўрсатилган муддатларда объектдан фойдаланиш тўғрисида ҳисобот беради. Бундан ташқари, банк вакиллари лизинг объектидан фойдаланишни ўрнида текширишга ҳаклидирлар. Ҳисобот берилмаган, ҳисоботни сохталаш, лизинг объектини ў мўнжалигадан ташқари ишлатиш холларда банк лизинг шартномасини бекор қилиб ижара олувчидан кўрган зарарларини тўлашни талаб қилишга ҳақлидир.