Умумий гигиена ва санитария бйўича ќўлламалар

ОИТВ қандай тарқалади? 
ОИТВ касалланган одамларнинг тана суюқликларида яшайди, жумладан қон, уруғ 
(сперма) ва қин (аёллар жинсий органи) суюқлигида. Вирус шу суюқликлар бошқа 
бировнинг танасига қуйидаги йўллар орқали юқади: 

ОИТВ/ОИТС билан касалланган одам билан жинсий алоқа қилиш 

Стерилланмаган ёки ишлатилган игналардан (укол учун) фойдаланиш, бу айниқса 
гиёҳвандларда кўп учрайди 

ОИТВ/ОИТС билан касалланган онадан ҳомилага ҳомиладорлик, туғруқ ёки 
эмизиш даврида 

Қон қуйишда ОИТВ/ОИТС билан касалланган одам қонини қуйиш 

---


Жамоат жойлари, яъни тиш шифокори, бошқа шифокорлар, сартарошлар, маникюр 
салонлари каби жойларда ОИТВ/ОИТС билан касалланган одам қони теккан ва 
стерилланмаган жиҳозларни ишлатиш 
ОИТВ/ОИТС қандай йўллар билан юқмайди: 

Тана контакти, қучоқлашиш ёки қўл бериб кўришиш 

Уст бош ва кийимлар 

Биргаликда овқатланиш 

Йўтал ва акса уриш 

Жамоат ҳожатхоналаридан фойдаланиш 

Ҳашаротлар чақиши 

Шахсий гигиенага риоя қилмаслик 
ОИТВ/ОИТС тарқалишини олдини олиш ҳақида маълумот 
ОИТСнинг қандай тарқалиши ва уни олдини олиш ҳақида аҳолининг етарли маълумотга 
эга бўлиши муҳим ҳисобланади. Аммо ҳар кимса ҳам, уларга ОИТВ/ОИТС юқиши 
мумкинлигини тушинмасалар бу маълумотлар фойда бермайди. 
Айбни қайсидир гуруҳга юклаш (жумладан, фоҳишалар, гиёҳвандлар) аҳоли орасида 
айнан ўша гуруҳларгина ОИТВ/ОИТС билан оғриши мумкин деган тасаввурни келтириб 
чиқаради. Албатта баъзи гуруҳларнинг ОИТС касаллигига йўлиқиш эҳтимоли кўпроқ 
бўлади. Масалан, фоҳишалар кўплаб одамлар билан жинсий алоқага бўлгани сабабли, 
улар бу вирусни юқтириб олиши эҳтимоли баланд. Лекин ОИТВ/ОИТС жамиятдаги барча 
одамларга хавф солади ва барча одамлар бу касаллика қарши курашишда маъсулиятли 
бўлиши лозим.