Umum ped na amal-O`um 13-14

Liberal uslub. O’qituvchi jamoa faoliyatiga aralashmaslikka harakat qiladi, faollik ko’rsatmaydi, maslahatlarga formal qaraydi, turli ta`sirlarga tez beriladi. Javobgarlikdan o’zini olib qochadi.
Eng yaxshi uslub - demokratik uslub. Miqdoriy ko’rsatkichlar avtoritar uslubdan kam bo’lishi mumkin, lekin ishlash ishtiyoqi, o’quv rahbar yo’g’ida ham davom etadi. Ijodkorlik yuqori bo’ladi, javobgarlik hissi, o’z jamoasi uchun faxrlanish rivojlanadi. eng yomon uslub - liberal uslub bo’lib, bunda ham ish kam bajariladi, ham sifat yomon bo’ladi.
Avtoritarizm o’qituvchi etukmasligini, uning axloqiy va siyosiy tarbiyasizligini bildirib, pedagogik madaniyati pastligi bilan xarakterlanadi.
4."Ta`lim to’g’risida"gi Qonun va Kadrlar tayyorlash milliy dasturi" talablariga muvofiq ta`lim - tarbiya ishlarida milliy - madaniy va umuminsoniy qadriyatlar ustuvorligiga e`tibor berib kelinmoqda. Bu ustuvorlik turli xildagi muloqotlarda ham saqlab kelinsa maqsadga muvofiqdir.
Milliy qadriyatlarimiz va sharqona tarbiyamizning ta`siri muloqotda ham sezilib turadi. Bizda kishilar bilan munosabat, so’zlashuv va shuningdek ish, xizmat bilan bog’liq aloqaga muomala deyiladi. eng go’zal muomala lutf - karamdir. Alisher Navoiy buni muomala - pardoz deb yozadi. Xullas xalqimizda odamlar bilan munosib tarzda muomala qila bilishlik madaniyat, olijanoblik alomati deb tushunilgan.
Muomala madaniyati, eng avvalo, xalqimizning bolajonligi, oilani muqaddas bilishida namoyon bo’ladi.
Barcha madaniy xalqlarda bo’lgani kabi o’zbeklarda ham muomal "Assalomu - alaykum" va "Vaalaykum assalom"dan boshlanadi, keyin hol-ahvol so’rashishga o’tiladi.
Muomala va muloqotda xalqimizning milliy an`analari va urf-odatlari ham ta`sirini ko’rsatadi.
Xalqimizda azaldan ko’pchilik ishtirokida o’tadigan turli bolalar o’yinlari, choyxona suhbatlari, to’y - ma`rakalar, mavsumiy bayramlar - lola sayli, "boychechak" aytish, qovun sayli, qizlar majlisi, kelin salomi, yuz ochtisi, sumalak, kurash, mehmon kutish kabi ko’plab marosimlarimiz o’zbek xalqiga xos bo’lgan "o’zbekona", "Sharqona" tarbiyalashda muhim rol` o’ynaydi.
Xalq og’zaki ijodimiz ham bolalarda turli axloqiy sifatlarni tarbiyalashda katta rol` o’ynaydi.
Sharqona munosabatda ota - onaga hurmat bilan qaralishi, oilada otani o’rni alohida bo’lganligi, ota -onaning gapini ikki qilmaslik, ota - onaning izmidan chiqmaslik, shu bilan birga otaga gap qaytarish, unga tik boqish gunoh hisoblanishi kabi holatlarni ko’rishimz mumkin. Yoki ustozga hurmat bilan qarash kabi xislatlar ham katta tarbiyaviy ahamiyat kasb etadi.
Muloqat va muloqat madaniyatining ta`lim-tarbiya jarayonidagi ahamiyati o’rganiladi. Faqat to’g’ri, demokratik uslubda tashkil etilgan muloqat asosidagina o’quvchilarning mustaqil, erkin fikrlashini, ijodkorligini, do’stona munosabatini tashkil etish va ta`lim-tarbiya jarayoni samaradorligini oshirish mumkin. Bu esa Kadrlar tayyorlash milliy dasturi va Prezidentimiz asarlarida ilgari surilayotgan muhim talablardan biridir. Bunday darslar esa o’quvchilar tafakkurini rivojlantirishda ham muhim rol o’ynaydi.
Nazariy savollarga javoblar asosida muloqat haqidagi talabalar tushunchalari namoyon bo’ladi. Maktab o’qituvchilari va tarbiyachilar bilan o’qituvchi-o’quvchi munosabati, muloqatni tashkil etilishi to’g’risida suhbat tashkil etiladi. Muloqatda sharqona va o’zbek urf-odatlari va ularning ahamiyati masalalari ham ko’rib chiqiladi. Bunda pedagogik muloqata e`tibor qaratiladi:
Muloqot pedagogik faoliyatdagi eng muhim kasbiy qurol va pedagogik mahoratning asosiy tarkibiy qismlaridan biridir.
Pedagogik muloqot bu o’qituvchining o’quvchilar bilan darsda va darsdan tashqari vaqtda eng qulay psixologik muhit yaratishga qaratilgan kasbiy munosabatdir. Noto’g’ri pedagogik muloqotdan o’quvchida qo’rquv, ishonchsizlik paydo bo’ladi, e`tibor, diqqat, ishchanlik pasayadi, nutq dinamikasi buziladi, mustaqil fikrlash pasayadi.
Talabalarning muloqatga kirishish ko’nikmalarini aniqlash maqsadida qator testlardan, masalan, K.N. Tomos tomonidan tuzilgan «Shaxslararo munosabatni aniqlash testi» dan foydalanish mumkin.
Talabalardagi o’zaro shaxsiy munosabatning hissiylik darajasini sub`ektiv baholash uchun «Siz bilan muomalada bo’lish yoqimlimi?»¹ deb ataladigan testdan foydalanish mumkin. Bunda tekshiriluvchilarga 10 ta savolga javob berish taklif qilinadi. Tekshiriluvchi savolga «ha», yoki «yo’k» deb javob berishi lozim.
Test savollari:

1. 
   Siz gapirishga qaraganda eshitishni yaxshi ko’rasizmi?
   
2. 
   Siz hatto o’zingiz tanimagan notanish kishi bilan ham suhbatlashish uchun mavzu topa olasizmi?
   
3. 
   Siz doimo suhbatdoshingizni e`tibor bilan tinglaysizmi?
   
4. 
   Siz maslahatlar berishni yoqtirasizmi?
   
5. 
   Agar suhbat mavzusi Siz uchun qiziqarsiz bo’lsa, buni suhbatdoshingizga bildirasizmi?
   
6. 
   Agar Sizni tinglashmayotgan bo’lsa, jahlingiz chiqadimi?
   
7. 
   Sizda har qanday masala bo’yicha o’z fikringiz bormi?
   
8. 
   Agar suhbat mavzusi siz uchun notanish bo’lsa, unda suhbatni davom ettirar edingizmi?
   
9. 
   Siz hammaning nigohida bo’lishni yoqtirasizmi?
   
10. 
    Siz yetarli bilimga ega bo’lgan hech bo’lmasa uchta predmetni egallaganmisiz?
    

Testning kaliti:
«Ha»: 1, 2, 3, 6, 7, 8, 9, 10.
«Yo’q» 4, 5.
Kalitdagi mos tushgan javoblarning hammasi qo’shib hisoblab chiqiladi. Har bir mos tushgan javob 1 ballga tengdir.
1-3 ball: Siz bilan muomala qilish har doim ham yoqimli emas, hatto ba`zida bir oz og’ir ham.
4-8 ball: Siz har doim yoqimli va diqqat e`tiborli suhbatdoshsiz, ammo kayfiyatingiz yomon bo’lsa suhbatdoshingizga e`tibor bermay qo’yasiz.
9-10 ball: Siz muomala jarayonida juda yoqimli suhbatdoshsiz, faqat juda oshirib yubormang.

Talabalardagi tinglay olish qobiliyatini aniqlash uchun «Siz suhbatdoshingizni tinglay olasizmi?»² degan testdan foydalanish mumkin.

Bunda tekshiriluvchilardan 10 ta savolga javob berish talab qilinib, u quyidagi ko’rsatilgan javob variantlaridan birini tanlashi lozim bo’ladi:
a) har doim;
b) ko’p hollarda;
v) ba`zan
g) juda kam;
d) hech qachon.
Test savollari:

1. 
   Agar suhbat mavzusi yoki suhbatdoshingiz qiziqarsiz bo’lsa, unda suhbatni tezroq tugatishga harakat qilasizmi?
   
2. 
   Suhbatdoshingizning suhbat davomidagi hatti-harakatlari sizning jahlingizni chiqaradimi?
   
3. 
   Suhbat davomida suhbatdoshingiz tomonidan aytilgan noo’rin so’z yoki hatti-harakat sizni qo’pollikka undashi mumkinmi?
   
4. 
   Notanish kishi Siz bilan suhbatlashishga intilayotgan bo’lsada, lekin siz bunday suhbatdan qochishga harakat qilasizmi?
   
5. 
   Sizda suhbatdoshingizning gapini birdan bo’lib qo’yish odati bormi?
   
6. 
   Sizda umuman boshqa narsani o’ylab turgan holda, o’zingizni diqqat bilan suhbatdoshingizni tinglayotgandek ko’rsatish hollari bo’lib turadimi?
   
7. 
   Sizning suhbatdoshingiz kim ekanligiga bog’liq ravishda so’zlash ohangingiz, tovushingiz, yuz qiyofangiz o’zgarib turadimi?
   
8. 
   Agar suhbatdoshingiz Siz uchun gapirish noqulay bo’lgan mavzudan gap ochsa, unda suhbat mavzusini o’zgartirarmidingiz?
   
9. 
   Agar suhbat davomida suhbatdoshingiz so’zlarini noto’g’ri talaffuz qilsa, nom va terminlarni noto’g’ri aytsa, uni darrov to’g’rilashga harakat qilarmidingiz?
   
10. 
    Siz suhbat davomida talaffuz ohanglariga va kinoyalarga befarq bo’la olasizmi?
    

Test kaliti:
a) har doim- 2 ball;
b) ko’p hollarda- 4 ball;
v) ba`zan- 6 ball;
g) juda kam- 8 ball;
d) hech qachon- 10 ball.
Olingan javoblar test kalitiga solinganidan keyin umumiy ball hisoblab topiladi.
Suhbatdoshni tinglay olish qobiliyati olingan ballar asosida belgilanadi.
55 ball- o’rtacha daraja.
62 ball- tinglay olish qobiliyati o’rtachadan yuqoriroq.
Suhbatdosh to’plagan ball yig’indisi qanchalik ko’p bo’lsa, uning tinglay olish qobiliyati shunchalik yuqori bo’ladi.
E.G’oziev va R.Toshimovlarning «Muomala treningi» kitobidagi «Muloqatga o’rgatishga oid o’yin mashqlarining sistemalaridan» foydalanish ham mumkin.
O’yinga oid trening- bu muloqatga o’rgatish uchun bajariladigan o’yin mashqlarining sistemasidir. Treningning asosiy maqsadi- shaxsni ruhiy ozod qilish, unda tabiiy erkinlikni his etishni, o’z guruhida va undan tashqarida o’zaro munosabat va aloqa o’rnata olishni shakllantirishdan iboratdir. Bunda o’yinni tashkil etish, olib borish yo’llari ko’rsatilgan.
O’qituvchi-o’quvchi muloqatiga doir masalalar, pedagogik vaziyatlar ham berilib, muhokama etiladi.
XULOSA
Barcha masalalar bo’yicha talabalar javoblari tinglanib, echilmagan masalalar yoritib beriladi. Muloqatni aniqlashga oid test javoblari, talabalarning mashg’ulotda ishtiroki, savollarga bergan javoblari tahlil etilib, har bir talabalaga tegishli maslahatlar beriladi. Talabalarning ishtirokiga mos ballar qo’yiladi.